سری نگر: کشمیری حریت رہنما میرواعظ عمرفاروق کا کہنا ہے کہ نوجوانوں کومشتعل کر کے تشدد کی طرف دھکیلا جا رہا ہے۔
تفصیلات کے مطابق کشمیری حریت رہنما میرواعظ عمرفاروق نے سماجی رابطے کی ویب سائٹ ٹویٹر پراپنے پیغام میں کہا کہ فتح کدل میں مقتول رئیس صوفی کے گھرپردھاوا بولا گیا۔
میر واعظ عمر فاروق نے کہا کہ پولیس نے گھرمیں گھس کرتوڑپھوڑکی اورتشدد کا نشانہ بنایا گیا، 8 ماہ کے بچے پرمرچوں کا اسپرے کیا گیا، باپ نے روکنے کی کوشش کی توبے رحمی سے مارا پیٹا گیا۔
8 month old toddler pepper sprayed, her father Mudasir mercilessly beaten when he intervened as police ransack their home yesterday without any provocation and target the family of slain Rayees sofi of Fateh Kadal ! Such incidents of pre planned harassment and repression of …. pic.twitter.com/TS73wss7wu
— Mirwaiz Umar Farooq (@MirwaizKashmir) February 4, 2019
کشمیری حریت رہنما نے رہنما نے کہا کہ ایسی کارروائیاں منصوبہ بندی کے تحت کی جا رہی ہیں، نوجوانوں کومشتعل کرکے تشدد کی طرف دھکیلا جا رہا ہے۔
مقبوضہ کشمیرمیں بھارتی فوج کی فائرنگ‘ 2 کشمیری شہید
یاد رہے کہ یکم فروری کو قابض بھارتی فورسز نے مقبوضہ کشمیر کے علاقے پلواما میں فائرنگ کرکے 2 کشمیری نوجوانوں کو شہید کردیا تھا۔
واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں