شکست پرتنقید، ٹیسٹ ٹیم کے کپتان مصباح پھٹ پڑے -
The news is by your side.

Advertisement

شکست پرتنقید، ٹیسٹ ٹیم کے کپتان مصباح پھٹ پڑے

لاہور: کینگروز کے خلاف شکست پر تنقید پر مصباح الحق پھٹ پڑے، ٹیسٹ کپتان کا کہنا تھا کہ ہم اتنا برا بھی نہیں کھیلے جس طرح ہم پر تنقید کی جارہی ہے، ہوم گراؤنڈ پر دنیا بھر میں ٹیمیں اچھا کھیلتی ہیں اگر ہمیں جنوبی افریقہ، آسٹریلیا میں اچھے رزلٹ چاہئے تو وہاں کرکٹ بھی زیادہ ملنی ٓچاہئے۔

تفصیلات کے مطابق قومی ٹیم کے ٹیسٹ کپتان مصباح الحق نے شکست پر کی جانے والی تنقید کا جواب دے دیا، مصباح الحق نے میڈیا سے گفتگو کرتے ہوئے کہا کہ آسٹریلیا میں صیریز جیتنے کی بھرپور کوشش کی، ہم اتنا برا بھی نہیں کھیلے جس طرح تنقید کی جارہی ہے، ڈومیسٹک کا لڑکا آسٹریلیا جاکر کھیلے گا تو مسئلہ تو درپیش ہوگا۔ اچھے رزلٹ حاصل کرنے کے لیے ہمیں ان کنڈیشنز کے مطابق لڑکے تیار کرنا ہوں گے۔

مصباح کا مزید کہنا تھا کہ جس طرح کے ریمارکس دئیے جاتے ہیں تو آئندہ پھر کوئی بھی کپتان بننے کی حامی نہیں بھرے گا۔ ایک سال پہلے ریٹائر ہورہا تھا بورڈ اور عوام کے مطالبے پر کھیلتا رہا، مسائل کے حل تک کرکٹ میں بہتری نہیں لائی جاسکتی۔ فٹنس لیول پر مصباح کا کہنا تھا کہ اس میں کوئی شک نہیں کہ فٹنس لیول میں ہمیں بہتری لانا ہوگی۔

مصباح الحق کا کہنا تھا کہ 9 فروری سے شروع ہونے والے پی ایس ایل سیزن ٹو‘ میں اچھی پرفارمنس دکھانے کی کوشش کروں گا۔

آف اسپنر سعید اجمل بھی پی ایس ایل میں اچھی کارکاردگی دکھانے کے لیے پُرعزم ہیں، آف اسپنر نے کہا کہ میرا کام پرفارم کرنا ہے، پی ایس ایل میں کارکردگی دکھا کر سلیکٹرز کی توجہ حاصل کرنے کی کوشش کروں گا۔

Comments

comments

یہ بھی پڑھیں