site
stats
پاکستان

مودی کے ہاتھ انسانی خون سے رنگے ہوئے ہیں، مشال ملک

اسلام آباد : حریت پسند رہنما یاسین ملک کی اہلیہ مشال ملک نے کہا کہ مودی کے ہاتھ انسانوں کے خون سے رنگے ہوئے ہیں۔

اسیرحریت پسند رہنما یاسین ملک کی اہلیہ مشال ملک جو ان دنوں اپنے شوہر کی رہائی اور تحریکِ آزادی کشمیر میں متحرک کردار ادا کررہی ہیں نے اپنے بیان میں بھارتی وزیراعظم نریندر مودی کو شدید تنقید کا نشانہ بنایا ہے۔

مشال ملک کا کہنا ہے کہ بھارتی وزیراعظم نریندر مودی مقبوضہ کشمیر میں چنانی نشری ٹنل کا افتتاح کر رہے ہیں، جو کشمیرکو نئی دہلی سے ملارہا ہے تا کہ ٹنل کے ذریعے بھارتی فوج اور اسلحےکی آمدورفت کو یقینی بنایا جائے۔

انہوں نے کہا کہ ٹنل کے ذریعے بھارت مقبوضہ کشمیر پر قبضے کو مزید مضبوط بنا رہا ہے تاکہ مذید اسلحہ بارود اور افواج کو نہتے کشمیریوں پر مسلط کر کے ان کی نسل کشی کی جا سکے جس کا عالمی برادری کو نوٹس لینا چاہیئے۔

مشال ملک نے کہا کہ گزشتہ ایک ماہ میں18 کشمیری شہید اور 500سے زائد زخمی ہوئے ہیں اس پر بھی بھارتی سفاکیت نرم نہ پڑی اور اب ٹنل کے ذریعے کشمیر کو فوجی چھاؤنی بنانے کی کوشش کی جا رہی ہے۔

انہوں نے کہا کہ دنیا کی تاریخ میں سب سے بڑی ریاستی دہشت گردی بھارت کر رہا ہے اور ہر گذرتے دن کے ساتھ ساتھ مقبوضہ کشمیر میں بھارتی مظالم میں بھی روز بہ روز اضافہ ہوتا جا رہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top