مودی کشمیر کا قصائی ہے، مشعال ملک -
The news is by your side.

Advertisement

مودی کشمیر کا قصائی ہے، مشعال ملک

لاہور : حریت رہنما یاسین ملک کی اہلیہ مشعال ملک کا کہنا ہے کہ بھارت نے نہتے کشمیریوں پرظلم کی انتہا کردی ہے، مودی کشمیرکا قصائی ہے،نام نہاد انتخابی ڈھونگ جمہوریت پرسیاہ دھبہ ہے۔

تفصیلات کے مطابق لاہور ہائیکورٹ بار میں وکلاء سے خطاب کرتے ہوئے مشال ملک کا کہنا تھا کہ بھارتی حکومت کی زیادتیاں دن بدن بڑھ رہی ہیں، کشمیریوں کا پاکستان سے بہت زیادہ پیار ہے، کشمیریوں کو پاکستان سے بہت امیدیں وابستہ ہیں، وانی نے کشمیر کی خاطر اپنی جان کی قربانی دی۔

مشال ملک نے کہا کہ پاکستان میں چلنے والی تحریکوں میں لاہور ہائی کورٹ بار کا کردار بڑا اہم رہا، وکلا سے گزارش ہے کہ وہ کشمیر کا مقدمہ لڑیں، کشمیر کشمیریوں کا حق ہے اور وہ ان کو ملنا چا ہیے۔

انہوں نے بتایا کہ انڈین آرمی کشمیر کے نہتے نوجوانوں پر سر عام تشدد میں مصروف ہے مودی کشمیرکا قصائی ہے، وادی میں عام کشمیریوں کو بنیادی حقوق میسر نہیں، میں پاکستانیوں خاص طور پر وکلاء کے آگے ہاتھ جوڑتی ہوں کہ کشمیر کا کیس لڑیں، میں سیاست نہیں کر رہی ،ہمارا مسئلہ کشمیر کا حل نکالنا ہے۔


مزید پڑھیں : مودی کے ہاتھ انسانی خون سے رنگے ہوئے ہیں، مشال ملک


انہوں نے بتایا کہ انڈین حکومت کشمیریوں کی نسل کشی کے لئے بھارتی شہریوں کو کشمیر میں اراضی الاٹ کر رہی ہے۔ آزاد کشمیر کے رہائشیوں کو جموں کشمیر میں اراضی خریدنے کی اجازت نہیں۔

ان کا کہنا تھا کہ کشمیر میں خواتین سے زیادتیاں کی جا رہی ہیں، روزانہ کی بنیاد پر گھروں پر چھاپے مار کر خواتین کو زدوکوب کیا جاتا ہے،  مودی کا کردار باعث شرم ہے، بھارت میں کشمیریوں کے ساتھ ساتھ عیسائیوں پر ظلم کیا جا رہا ہے۔انڈیا ایک دہشت گرد ملک ہے۔

مشال ملک  نے کہا کہ ہمارے تمام حریت رہنما گھروں میں نظر بند ہیں، یاسین ملک پر ہر قسم کا تشدد کیا جا رہا ہے۔، کئی کئی ماہ کے لئے پانی بند کر دیا جاتا ہے، ہسپتالوں میں زخمیوں کا علاج کر نے والے ڈاکٹروں کو شہید کر دیا جاتا ہے۔

کشمیریوں کو کب آزادی ملے گی جب ہم سب قبروں میں چلے جائیں گے، حریت رہنما بغیر کسی ہتھیار کے لڑ رہے ہیں۔

Comments

comments

یہ بھی پڑھیں