The news is by your side.

Advertisement

‘ایک کشمیری کی شہادت لاکھوں بھارتی فوجیوں پر بھاری ہے’

اسلام آباد : حریت رہنما یاسین ملک کی اہلیہ مشعال ملک کا کہنا ہے کہ برہانی وانی کی شہادت کو کئی سال گزر  نے کے باوجود بھارتی فوج آج بھی خوفزدہ ہے، ایک کشمیری کی شہادت لاکھوں بھارتی فوجیوں پر بھاری ہے۔

تفصیلات کے مطابق حریت رہنما یاسین ملک کی اہلیہ مشعال ملک نے برہان مظفر وانی کی برسی پر ویڈیو پیغام میں کہا ہے کہ آج کا دن برہان وانی کی شہادت کا دن ہے، برہان وانی نے 8لاکھ بھارتی فوج کونہتےللکارا۔

مشعال ملک کا کہنا تھا کہ کئی سال گزرنے کے بعد بھی بھارتی فوج آج بھی برہان وانی کے خوف میں مبتلا ہے، اس لئے آج برسی پر کرفیو لگا دیا، بھارتی فوج نے کشمیریوں کو گھروں میں بند رکھا ہے۔

انھوں نے کہا کہ ایک کشمیری کی شہادت لاکھوں بھارتی فوجیوں پر بھاری ہے، جنت کی حفاظت شہید کررہےہیں،یہ کیسےممکن ہےفتح نصیب نہ ہو۔

خیال رہے تحریک آزادی کشمیر کی پرامن جدوجہدمیں مصروف عالمی شہرت یافتہ جواں سال ہیرو کشمیر حریت کمانڈر برہان مظفر وانی اور ساتھیوں کو شہید ہوئے پانچ برس گزر گئے، برہان وانی کی قیادت نے مقبوضہ کشمیر کی جِدو جہدِ آزادی کو نیا رُخ دیا، برہان وانی اور ساتھیوں کو ضلع کرناگ اسلام آباد میں دوہزار سولہ کو شہید کیا گیا تھا۔

Comments

یہ بھی پڑھیں