مقبوضہ کشمیرمیں الیکشن 8لاکھ فوج کوقابض رکھنے کے لیے کرائے جا رہے ہیں‘ مشعال ملک -
The news is by your side.

Advertisement

مقبوضہ کشمیرمیں الیکشن 8لاکھ فوج کوقابض رکھنے کے لیے کرائے جا رہے ہیں‘ مشعال ملک

سری نگر: حریت رہنما یاسین ملک کی اہلیہ مشعال ملک نے کہا ہے کہ مقبوضہ کشمیرمیں الیکشن 8لاکھ فوج کو قابض رکھنے کے لیے کرائے جا رہے ہیں۔

تفصیلات کے مطابق مقبوضہ کشمیر میں نام نہاد بلدیاتی انتخابات پریاسین ملک کی اہلیہ مشعال ملک نے اپنے پیغام میں کہا کہ یہ کون سے الیکشن اورکون سی جمہوریت ہے؟۔

مشعال ملک نے کہا کہ قابض فوج گھسیٹ کرکشمیریوں کو سڑکوں پر لانا چاہ رہی ہے، آج بھی سرچ آپریشن کے نام پر بھارتی فوج نے گھر جلا دیے۔

حریت رہنما کی اہلیہ نے کہا کہ وادی میں کرفیو لگا رکھا ہے ہماری قیادت کونظر بند کر دیا ہے، ہمیں اپنا حق خود ارادیت نہیں ملا۔

مشعال ملک نے مزید کہا کہ مقبوضہ کشمیر میں نام نہاد بلدیاتی انتخابات 8لاکھ فوج کو یہاں قابض رکھنے کے لیے کرائے جا رہے ہیں۔

بھارتی فوج کشمیریوں کو شہید کرکے لاش غائب کردیتی ہے‘ مشعال ملک

واضح رہے کہ مقبوضہ کشمیر میں 13 سال بعد بلدیاتی انتخابات کرائے جا رہے ہیں جس کے پہلے مرحلے میں درجن سے زائد اضلاع کے 422 حلقوں میں پولنگ ہوگی۔

کٹھ پتلی انتظامیہ کی جانب سے کرائے جانے والے بلدیاتی انتخابات کے پہلے مرحلے کے لیے ووٹنگ آج ہورہی ہے جبکہ چاروں مرحلوں میں کاسٹ کیے جانے والے ووٹوں کی گنتی 20 اکتوبر کو ہوگی۔

Comments

comments

یہ بھی پڑھیں