The news is by your side.

Advertisement

عالمی برادری مقبوضہ کشمیر میں مظالم پر گونگی بہری بنی ہوئی ہے، مشعال ملک

اسلام آباد: حریت رہنما یاسین ملک کی اہلیہ مشعال ملک نے کہا ہے کہ عالمی برادری مقبوضہ کشمیر میں مظالم پر گونگی بہری بنی ہوئی ہے، یورپین پارلیمنٹیرینز اپنی پارلیمنٹ مین مسئلہ کشمیر بھرپور اجاگر کریں۔

ان خیالات کا اظہار انہوں نے اراکین یورپین پارلیمنٹیرینز کے ہمراہ پریس کانفرنس کرتے ہوئے کیا، مشعال ملک نے کہا کہ مقبوضہ کشمیر میں انسانیت سوز مظالم جاری ہیں، مقبوضہ وادی جیل کی صورت اختیار کرچکی ہے۔

مشعال ملک نے کہا کہ بھارت سالوں سے ایل او سی پر خون کی ہولی کھیل رہا ہے، بھارتی فوج مقبوضہ کشمیر میں روز لاشیں گرا رہی ہے، بھارت نے کشمیری حریت قائدین کو غیرقانونی نظر بند کررکھا ہے۔

انہوں نے کہا کہ بھارتی فوج نے کشمیریوں کی زندگی پر پہرے بٹھا رکھے ہیں، پاکستانی قوم اور سیاست دان کشمیریوں کے ساتھ کھڑے ہیں۔

واضح رہے کہ مشعال ملک کا کہنا تھا کہ ظلم کو مٹانےکے لئے اس کے سامنےچٹان کی طرح کھڑاہونا چاہیے، 13جولائی 1931 کی قربانیوں سے کشمیریوں نے یہی سیکھا ہے۔

ان کا کہنا تھا کہ بھارت مقبوضہ کشمیر میں خون کی ہولی کھیل رہا ہے، ظلم کومٹانے کے لئے اس کے سامنے چٹان کی طرح کھڑا ہونا چاہئیے، انقلاب کشمیریوں کے دروازے پر دستک دے رہا ہے۔

خیال رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں