The news is by your side.

Advertisement

یاسین ملک کو ڈیتھ سیل میں رکھا ہوا ہے، زندگی کو سخت خطرات لاحق ہیں، مشعال ملک

اسلام آباد : کشمیری رہنما یاسین ملک کی اہلیہ مشعال ملک نے کہا ہے کہ مودی سرکار نے یاسین ملک کو ڈیتھ سیل میں بند کرکے رکھا ہوا ہے، ان کی زندگی کو سخت خطرات لاحق ہیں، کشمیریوں کا ساتھ دینے پر وزیراعظم عمران خان کا شکریہ ادا کرتی ہوں۔

ان خیالات کا اظہار انہوں نے اسلام آباد میں معاون خصوصی برائے اطلاعات فردوس عاشق اعوان ہے ہمراہ صحافیوں سے گفتگو کرتے ہوئے کیا۔

مشعال ملک نے کہا کہ بھارتی مظالم یاسین ملک سمیت دیگر حریت رہنماؤں کےحوصلے پست نہیں کرسکتے، میرے شوہر یاسین ملک اس وقت موت کے منہ میں ہیں،۔

مودی سرکار نے یاسین ملک کو ڈیتھ سیل میں بند کرکے رکھا ہوا ہے، یاسین ملک نے کشمیر پر اپنے جسم کا ایک ایک حصہ قربان کردیا۔

؎ان کا مزید کہنا تھا کہ بھارت نے کشمیریوں کو ایک بار پھر بدترین دھوکہ دیا ہے، آرٹیکل370کے خاتمے کیلئے بھارت نے شملہ معاہدہ ختم کردیا۔

مودی سرکار نے مقبوضہ کشمیر میں لوٹ مار کے دروازے کھول دیئے، حریت رہنماؤں کی آواز بند کردی گئی ،پاکستان کے ذریعے مظلوم کشمیریوں کی آواز پوری دنیا تک پہنچانا ہوگی۔

محض زبانی بیانات سے کام نہیں چلے گا، معاملے کو سیکیورٹی کونسل میں اٹھانا ہوگا، کشمیریوں کا ساتھ دینے پر وزیراعظم عمران خان کاشکریہ اداکرتی ہوں۔

Comments

comments

یہ بھی پڑھیں