The news is by your side.

‘کشمیریوں کو ایک نہ ایک دن آزادی نصیب ہو گی’

اسلام آباد : حریت رہنما یاسین ملک کی اہلیہ مشعال ملک کا کہنا ہے کہ بھارت بھول رہا ہے یہ جسم اور جان آنی جانی ہے، کشمیریوں کو ایک نہ ایک دن آزادی نصیب ہو گی۔

تفصیلات کے مطابق حریت رہنما یاسین ملک کی اہلیہ مشعال ملک نے سیدعلی گیلانی کی برسی پر ویڈیو پیغام میں کہا کہ آج سید علی گیلانی کی پہلی برسی ہے، سیدعلی گیلانی کا جنازہ پڑھنے کی بھی اجازت نہیں دی گئی تھی۔

مشعال ملک کا کہنا تھا کہ تدفین کے بعد بھی سیدعلی گیلانی کی قبر کو سب جیل قرار دیا گیا، اتنا خوف بھارتی سرکار کو ہے اس کا اندازہ نہیں لگایا جاسکتا۔

انھوں نے کہا کہ بھارت بھول رہاہےیہ جسم اور جان آنی جانی ہے، شہیدوں نے اس تحریک کو لکھا ہے، کشمیریوں کو ایک نہ ایک دن آزادی نصیب ہو گی۔

خیال رہے کشمیریوں کے ہیرو سید علی شاہ گیلانی کی پہلی برسی پر مقبوضہ وادی سوگوار ہے۔

اس موقع پر مقبوضہ کشمیر میں مکمل ہڑتا ل ہے، عظیم لیڈر کو خراجِ عقیدت پیش کرنے کیلئے حیدپورہ سے سرنگر کی جانب مارچ ہوگا۔

Comments

یہ بھی پڑھیں