لاہور: کسی بھی ڈاکٹر کو اپنے پیشے سے بہت سنجیدہ اور پرعزم سمجھا جاتا ہے اور وہ عموماً گلیمر سے دور رہتے ہیں۔ ایسے میں پاکستان کی ایک لیڈی ڈاکٹر کا "مس پاکستان یونیورسل 2022” کا ٹائٹل جیتنا بہت بڑی بات ہے۔
مس پاکستان کا ٹائٹل اپنے نام کرنے والی خاتون ڈاکٹر شفق اختر کا تعلق لاہور سے ہے۔ شفق اختر انسٹاگرام پر بیلا اختر (bella_akhtar) کے طور پر سرگرم ہیں۔ڈاکٹر شفق چاہے انسٹاگرام پر زیادہ متحرک نہ ہوں لیکن پھر بھی ان کے 3000 سے زیادہ فالوورز ہیں۔
اے آر وائی نیوز کے پروگرام باخبر سویرا میں گفتگو کرتے ہوئے ڈاکٹر شفق نے بتایا کہ بیوٹی کوئین بننا ان کے لئے بڑے اعزاز کی بات ہے۔ مستقبل میں بھی وہ اسی طرح کے بین الاقوامی مقابلوں میں حصہ لے کر اپنے ملک کا نام روشن کریں گی۔
ان کا کہنا تھا کہ اس کامیابی سے میرے اعتماد میں بہت اضافہ ہوا ہے اور میں امید کرتی ہوں کہ وہ مستقبل میں بھی ایسی ہی کامیابیاں حاصل کرتی رہیں گی۔
View this post on Instagram
انہوں نے اپنے انسٹاگرام اکائونٹ پر ہسپتال کی تصاویر بھی شیئر کی ہیں جہاں وہ کام کرتی ہیں۔ طبی پیشے میں جہاں وہ کافی سنجیدہ ہیں، وہیں اپنی ذاتی زندگی میں بھی کافی اسٹائلش نظر آتی ہیں۔
ان کا کہنا تھا ابھی مجھے پاکستان کا نام پوری دنیا میں روشن کرنا ہے۔ پاکستان کے مثبت امیج کو اجاگر کرنا ہے، میں آرتھوپیٹک کی ڈاکٹر ہوں اور ہڈیوں کو جوڑتی ہو، میں اپنے ڈاکٹر کے پروفیشن کو لیں کر ہی آگے جانا چاہتی ہوں جبکہ بطور مس پاکستان فلاح و بہود، انسانی حقوق کے کاموں میں حصہ لینا چاہتی ہوں ۔
ایک سوال کے جواب میں مس پاکستان یونیورسل 2022 نے کہا کہ مس پاکستان بننے میں بہت محنت کرنا پڑی۔ 6ہفتوں کی سخت محنت کی جس میں میری تربیت مس سمن شاہ نے کرائی۔
