59 انتہائی تربیت یافتہ بھارتی کوبرا کمانڈوزخاموشی سے گھر چلے گئے Indian Commando
The news is by your side.

Advertisement

بھارت: 59 لاپتا کمانڈوز کے خاموشی سے گھر جانے کا انکشاف

نئی دہلی: بھارت کے 300 تربیت یافتہ کمانڈوز میں سے 59 کمانڈوز 6 ماہ کی سخت تربیت لینے کے بعد جنگل میں لاپتا ہوگئے تھے تاہم انکشاف ہوا ہے کہ وہ خاموشی سے اپنے گھر چلے گئے تھے۔

بھارتی اخبار کے مطابق 59 تربیت یافتہ کمانڈوز چھ ماہ کی ٹریننگ مکمل کرنے کے بعد اپنی جائے ملازمت کے بجائے دوران سفر اپنے اپنے آبائی علاقائی اسٹیشن پر اتر کر اپنے گھروں کو چلے گئے تھے، بغیر بتائے غائب ہونے پر ان کے لاپتا ہونے کا شور مچ گیا تھا۔

ذرائع کے مطابق سری نگر میں ہونے والی کمانڈو ٹریننگ میں 300 فوجیوں نے حصہ لیا تھا تاہم ان میں سے 59 کمانڈوز نے اپنے دفاتر میں جوائننگ نہیں دی اور بغیر اطلاع دیے اپنے گھروں کو لوٹ گئے جس کے بعد ان اہلکاروں کے خلاف محمکہ جاتی کارروائی کا عندیہ بھی دیا گیا۔

یہ بھی کہا گیا کہ وہ باغیوں کے جنگل میں کہیں گم ہوگئے ہیں، کچھ نے یہ بھی امکان ظاہر کیا کہ ممکن ہے وہ کہیں مشکل میں ہوں۔


*بھارتی فوج پر تو میڈیا بھی ہاتھ نہیں ڈالتا،ایک اور اہلکار کی ویڈیو وائرل


انھیں ریاست اترپردیش کے اہم سٹیشن مغل سرائے سے دوسری ٹرین لینی تھی لیکن ان میں سے 59 ٹرینی كمانڈوز آگے کے سفر پر بہار نہیں گئے بلکہ انھوں نے اجتماعی یا ذاتی طور پر فیصلہ کرتے ہوئے اپنے گھر یا اپنی پسند کی دوسری جگہ کی راہ لی۔


*فوجی نہ ہوتا توخود کشی کرلیتا، ایک اوربھارتی اہلکارکی ویڈیوجاری


بھارتی فوجیوں کی نظم و ضبط کی یہ پہلی خلاف ورزی نہیں بلکہ اس سے قبل بھی کئی سنگین واقعات سامنے آ چکے ہیں جن میں نہ صرف یہ کہ فوجیوں نے خود کشی کی بلکہ اپنے افسران کے رویوں کے خلاف ویڈیو بھی شائع کر چکے ہیں۔


*بھارتی فوجی نے ویڈیو جاری کرکے اپنی فوج کو بے نقاب کردیا


ایک محتاط اندازے کے مطابق گزشتہ 5 برس میں 600 سے زائد بھارتی فوجیوں نے خودکشی کی اور سیکڑوں اہلکاروں نے اپنے اعلی افسران کا حکم ماننے سے یکسر انکار کیا جس پر کورٹ مارشل بھی ہوا۔

Comments

comments

یہ بھی پڑھیں