site
stats
پاکستان

کراچی میں 85 ہزار نامعلوم لاشوں کا انکشاف

کراچی: شہر قائد میں 85 ہزار سے زائد نامعلوم لاشیں موجود ہونے کا انکشاف ہوا ہے جو ایدھی کے قبرستان میں دفن ہیں۔

یہ انکشاف سندھ ہائی کورٹ میں لاپتا افراد کیس میں پولیس کی جانب سے پیش کی گئی رپورٹ میں ہوا۔

پولیس رپورٹ میں بتایا گیا ہے کہ ایدھی قبرستان میں 85 ہزار لاوارث لاشیں دفن ہیں، سال 1986ء سےاب تک دفن 85 ہزارلاوارث لاشوں کی شناخت نہ ہوسکی۔

ورثا کی تلاش کے لیے جامع میکینزم بنانے کا حکم

رپورٹ کے جواب میں سندھ ہائی کورٹ نے لاشوں کے ورثا کی تلاش کے لیے جامع میکینزم بنانے کا حکم دے دیا اور کہا ہے کہ دھماکوں میں جاں بحق نامعلوم افراد کی شناخت کے لیے اقدامات کیےجائیں۔

لاپتا افراد کیس میں عدالت نے ریمارکس دیے کہ لاپتا افراد سے متعلق صورتحال تشویش ناک ہے، جے آئی ٹیز سے بھی نتائج نہیں نکل رہے۔

یہ بھی پڑھیں: کراچی کے اسپتالوں میں 750 لاوارث لاشوں‌ کا انکشاف

یہ تو وہ لاشیں ہیں جو ایدھی قبرستان میں دفن ہیں تاہم کچھ عرصہ قبل انکشاف ہوا تھا کہ کراچی کے اسپتالوں میں 750 سے زائد لاوارث لاشیں موجود ہیں، ڈی ایس پی اعجاز احمد نے کہا تھا کہ لاوارث لاشوں کے ورثاء کی تلاش جاری ہے اور اس حوالے سے ویب سائٹ کے قیام کا عمل بھی جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top