کراچی: ایک روز قبل لاپتہ ہونے والی پولیو ورکر بازیاب -
The news is by your side.

Advertisement

کراچی: ایک روز قبل لاپتہ ہونے والی پولیو ورکر بازیاب

فبیہا وقار گزشتہ روز پولیو کی ڈیوٹی کے دوران لاپتہ ہوگئی تھی

کراچی: شہر قائد کے علاقے نارتھ کراچی سے ایک روز قبل پولیو مہم کے دوران لاپتہ ہونے والی نوجوان لڑکی فبیہا وقار کو پولیس نے بازیاب کرالیا۔

تفصیلات کے مطابق نارتھ کراچی کے علاقے سیکٹر اے 3 میں 17 سالہ پولیو ورکر 26 اکتوبر کو لاپتہ ہوگئی تھی، اہل خانہ نے رات گئے خواجہ اجمیر نگری تھانے میں مقدمہ درج کروایا۔

پولیس نے اہل خانہ کی مدعیت میں ایف آئی آر 332/2018 اور 365/ بی (اغوا) کی دفعہ کے تحت مقدمہ درج کر کے لڑکی کی تلاش شروع کردی تھی۔

خواجہ اجمیر نگری پولیس نے 17 سالہ فبیہا وقار نامی لڑکی کو نارتھ کراچی کے علاقے ناگن چورنگی کے قریب سے بازیاب کرایا اور دو لڑکوں کو حراست میں بھی لیا۔

پولیس افسر امتیاز میر جٹ نے  اے آر وائی سے گفتگو کرتے ہوئے لڑکی کے بازیاب ہونے کی تصدیق کرتے ہوئے بتایا کہ ’فبہیا کو ایک کمرے میں بند کر کے  حبس بے جا میں رکھا ہوا تھا،  کارروائی کے نتیجے میں دو ملزمان کو گرفتار کیا گیا‘۔

ذرائع کا کہنا ہے کہ حراست میں لیے جانے والے لڑکے نے فبیہا سے نکاح کا دعویٰ کیا جبکہ لڑکی نے اپنی مرضی سے گھر سے فرار ہونے کا اعتراف کیا۔ علاوہ ازیں لڑکی کے والد نے بیٹی کے بازیاب ہونے کی تصدیق کردی۔

دوسری جانب رینجرز نے کراچی کے علاقے سہراب گوٹھ میں واقع لاسی گوٹھ میں کارروائی کرتے ہوئے لڑکی کو بازیاب کرایا جبکہ تین اغوا کاروں تاج محمد، اکرام اللہ، مدد علی کو حراست میں لیا۔

ترجمان رینجرز کی جانب سے جاری اعلامیے کے مطابق اغوا کاروں نے لڑکی کو 23 اکتوبر کو شارع نورجہاں ضلع سینٹرل سے رات کے وقت اُس وقت اٹھایا جب وہ گھر میں اکیلی تھی۔

رینجرز ترجمان کا کہنا ہے کہ ’اغوا کاروں کا 5 رکنی گروہ تین مردوں اور 2 خواتین پر مشتمل ہے، النسا فورس کی مدد سے خواتین کی گرفتاری کے لیے آپریشن شروع کردیا گیا جبکہ حراست میں لیے گئے ملزمان کو قانونی چارہ جوئی کے لیے پولیس کے حوالے اور بازیاب لڑکی کو اہل خانہ کے حوالے کردیا گیا‘۔

Comments

comments

یہ بھی پڑھیں