مانچسٹر: برطانوی پولیس نے دریا میں لاپتہ طالب علم کی تلاش شروع کی تو ٹیم کو زیر آب بہت سی اشیاء ملیں۔
اے آر وائی نیوز کے مطابق گریٹر مانچسٹر کے علاقے سلفورڈ میں واقع دریا ارویل کے قریب سے 20 سالہ طالب علم لاپتہ ہوا، جس کی شکایت اہل خانہ نے پولیس کو درج کرائی۔
پولیس نے نوجوان کی تلاش کے لیے اقدامات کیے مگر ناکامی کا سامنا رہا جس کے بعد سی سی ٹی وی فوٹیج حاصل کر کے اُس کے آخری مقام کو تلاش کیا گیا۔
پولیس کے مطابق چارلی گیڈ نامی بیس سالہ طالب علم ہفتے کی رات برطانیہ کے مقامی وقت 1 بج کر 15 منٹ پر اسی مقام واقع رائل ایکسچینج تھیڑا کے قریب نظر آیا تھا۔
پولیس نے دریا میں ڈوبنے کے خدشے کو مدنظر رکھتے ہوئے پانی میں تلاش شروع کی، جس کے لیے فائر فائٹرز اور تیراکوں کی خدمات حاصل کی گئیں ہیں۔
ریسکیو رضا کار، فائر فائٹرز اور تیراک جب تلاش میں زیر آب گئے تو انہیں چارلی تو نہ ملا البتہ پانی سے گھریلو اور مختلف اشیا ملیں۔ پولیس ترجمان نے سی سی ٹی وی فوٹیج کی بنیاد پر نوجوان کے ڈوبنے کا خدشہ ظاہر جبکہ خودکشی کے امکان کو بھی رد نہیں کیا ہے۔
