The news is by your side.

Advertisement

جاب کا پہلا دن؟ ان غلطیوں سے بچیں

نئی نوکری کا پہلا دن تھوڑا پریشان کن ہوتا ہے۔ آپ متذبذب ہوتے ہیں، کیا کریں؟ کیا نہ کریں؟ اگر کوئی مسئلہ ہو تو کس سے پوچھیں؟ کس سے مدد مانگیں؟ یہی نہیں کچھ کام وہاں کے ماحول میں عجیب ہوتی ہیں اور آپ جب وہ کام سر انجام دیتے ہیں تو سب کی عجیب سی نظروں کا نشانہ بن جاتے ہیں۔

البتہ کچھ چیزیں ایسی ہیں جو ماہرین نئی جاب کے پہلے دن کرنے سے سختی سے منع کرتے ہیں۔ یہ چیزیں آپ کا ایک غلط تاثر بنا دیتی ہیں جس کو ختم کرنا مشکل ہوتا ہے۔

آئیے آپ بھی وہ چیزیں جان لیں تاکہ آپ اپنی نئی نوکری کے پہلے دن شرمندگی کا شکار نہ ہوں۔

اپنا تعارف نہ کروانا

بعض لوگ پہلے دن شرما حضوری میں چپ چاپ بیٹھے رہتے ہیں اور کسی سے نہیں ملتے۔ یہ چیز آپ کے لیے نقصان دہ ہوسکتی ہے۔

پہلے ہی دن آپ سب کے پاس جا کر ملیں، اپنا تعارف کروائیں اور ان کا تعارف حاصل کریں۔ یہ اس وقت آپ کے کام آئے گا جب آپ کو اپنے کولیگ سے کسی مدد کی ضرورت پڑے گی۔

اس وقت وہ آپ کے لیے مددگار ثابت ہوں گے اور آپ کی غلطیوں کو نظر انداز کریں گے۔

سوال پوچھیں

بعض لوگ پہلے دن چپ چاپ بیٹھ کر اپنا کام کرتے ہیں اور کسی سے کچھ نہیں پوچھتے۔ یہ غلط ہے۔

پہلے ہی دن غلطیاں کرنے سے سب کی نظروں میں آپ کا ایک غلط تاثر پیدا ہوگا۔ بار بار سوال پوچھیں۔ اس سے ظاہر ہوگا کہ آپ کام میں دلچسپی لے رہے ہیں۔

اگر آپ کو کوئی ایسی چیز اسائن کی گئی ہے جو آپ کو آتی ہے تب بھی اپنے ساتھیوں سے اس کے بارے میں رائے یا مشورہ ضرور لیں۔

پرانی نوکری کو یاد کرنا

جس طرح آپ اپنی زندگی میں کوئی نیا تعلق جوڑنے کے بعد پرانے تعلق کا ذکر نہیں کرتے، اسی طرح نئی نوکری پر پرانی نوکری کو بھی مت یاد کریں۔

یہ حرکت آپ کے کیریئر کے لیے نقصان دہ ثابت ہوگی۔

وعدے مت کریں

خود کو زیادہ اہل ثابت کرنے کے لیے اتنا زیادہ کام مت لیں جو آپ کر ہی نہ سکیں۔

تھوڑا کام لے کر اسے مکمل اور اچھے طریقے سے کرنا بہتر ہے بجائے اس کے کہ آپ بہت سا کام لیں اور جلدی میں اسے ٹھیک سے نہ کر پائیں۔

ناموزوں لباس کا انتخاب

جب آپ انٹرویو دینے کے لیے جائیں تو اس بات پر غور کریں کہ انٹرویو لینے والے نے کیسا لباس زیب تن کیا ہے۔

اسی طرح جب آپ کو جاب پر کنفرم کردیا جاتا ہے تو جوائن کرنے سے پہلے ایک بار آپ کو متعلقہ شعبے کا دورہ ضرور کروایا جاتا ہے۔ اس وقت وہاں کے ماحول پر غور کریں کہ وہاں کیسا لباس پہنا جاتا ہے اور پھر آپ بھی ویسا ہی لباس استعمال کریں۔

اگر وہاں سب جینز اور ٹی شرٹ میں آتے ہیں اور آپ کوٹ پینٹ پہن کر چلے گئے تو یہ بہت عجیب لگے گا۔

اگر آپ بھی اپنی نئی نوکری کی شروعات کرنے جارہے ہیں تو یقیناً آپ ان غلطیوں سے بچ جائیں گے۔

Comments

comments

یہ بھی پڑھیں