اسلام آباد : سی پیک کے تحت ایم ایل ون پروجیکٹ کی لاگت میں کمی کے لئے نظرثانی شدہ پلان پر اتفاق کرلیا گیا، جس میں لاگت 6.6 ارب ڈالر تک محدود کیے جانے کا امکان ہے۔
تفصیلات کے مطابق پاکستان اور چین کے درمیانایم ایل ون پروجیکٹ کی لاگت 9 ارب ڈالر سے کم ہو کر 6.6ارب ڈالر تک محدود کیے جانے کا امکان ہے۔
اس حوالے سے چینی حکام ون بیلٹ ون روڈ کانفرنس کے بعد پلاننگ کمیشن سے نظرثانی شدہ پلان شیئر کریں گے، ذرائع نے بتایا ہے کہ نظرثانی شدہ پلان کے تحت ایم ایل ون پروجیکٹ کی لاگت میں 2.4 ارب ڈالر کی کمی کی جائے گی۔
ذرائع نے کہا ہے کہ ون بیلٹ ون روڈ کانفرنس میں سائیڈ لائن میٹنگ پر پاکستانی حکام سے نظرثانی شدہ پلان پر حتمی بات ہوگی۔
چین میں جوائنٹ ورکنگ گروپ اجلاس کے دوران نظرثانی شدہ پلان پر اتفاق ہو چکا ہے جبکہ نظرثانی شدہ پلان پر وزارت منصوبہ بندی اور چینی آفیشلز کےدوران بات چیت ہو چکی ہے، جوائنٹ ورکنگ گروپ میں سیکرٹری ریلوے اور سیکرٹری مواصلات بھی شریک تھے۔
ذرائع کے مطابق سی پیک کےتحت ایم ایل ون پروجیکٹ کی لاگت میں کمی کیلئے نظرثانی شدہ پلان مشاورت سے طے کیا۔
