The news is by your side.

Advertisement

متحدہ مجلس عمل کا اجلاس کل کراچی میں طلب، اہم فیصلے متوقع

اسلام آباد: متحدہ مجلس عمل کا اجلاس کراچی میں طلب کر لیا گیا جس میں مرکزی عہدیداروں کا انتخاب سمیت اہم فیصلے کئے جائیں گے۔

تفصیلات کے مطابق متحدہ مجلس عمل کی جانب سے مشترکہ اجلاس کل کراچی میں ہوگا جس میں جمیعت علمائے اسلام (ف)، جماعت اسلامی، جے یو پی نورانی سمیت دیگر جماعتیں شریک ہوں گی۔

ذرائع کے مطابق اجلاس میں مرکزی عہدیداروں کا انتخاب کیا جائے گا جبکہ جے یو آئی اور جماعت اسلامی کا مسلم لیگ (ن) سے علیحدگی کا بھی امکان ہے۔

ایم ایم اے بحال، مولانا فضل الرحمان صدر منتخب، 20 رکنی مرکزی کونسل کا اعلان

ذرائع کا کہنا ہے کہ اتحاد میں شامل جماعتیں متحدہ مجلس عمل کے پلیٹ فارم سے مستقبل میں الیکشن لڑیں گی۔ایم ایم اے کی صدارت مولانا فضل الرحمان کو ملنے کا امکان ظاہر کیا جارہا ہے۔

علاوہ ازیں ایم ایم اے کے لیے ساجد نقوی کو سینئر نائب صدر جبکہ ساجد میر کو نائب صدر بنانے پر غور کیا جارہا ہے، اجلاس میں سیکریٹری جنرل کے لیے سراج الحق لیاقت بلوچ اور انس نورانی کے نام زیر غور ہیں۔ایم ایم اے ممکنہ طور پر کل سے رابطہ مہم کا بھی آغاز کرے گی۔

ایم ایم اے انتخابی اتحاد ہے، دیگر سیاسی جماعتوں کو بھی شامل کریں گے، سراج الحق

خیال رہے کہ ایم ایم کا پہلا اجلاس رواں سال جنوری میں ہوا تھا جس میں امیر جماعت اسلامی سراج الحق، امیر جمعیت اہلحدیث ساجد میر سمیت دیگر علمائے کرام شریک ہوئے تھے۔

اس موقع پر امیر جماعت اسلامی سراج الحق نے کہا تھا کہ ایم ایم اے بحال ہو چکی ہے اب اسے فعال کرنا ہے اور دیگر جماعتوں کو بھی اس اتحاد میں شامل کرنا ہے، متبادل قیادت کے لیے ایم ایم اے سامنے آئے گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں