The news is by your side.

Advertisement

گھوٹکی:این اے205سے کامیاب آزادامیدوارکاپی ٹی آئی میں شمولیت کافیصلہ

گھوٹکی : قومی اسمبلی کے حلقہ این اے 205 سے کامیاب آزاد امیدوار سردار علی محمد مہر نے پاکستان تحریک انصاف میں شمولیت کا فیصلہ کرلیا۔

تفصیلات کے مطابق گھوٹکی این اے 205 سے کامیاب آزاد امیدوار سردار علی محمد مہر پاکستان تحریک انصاف کے چیئرمین عمران خان سے ملاقات کے لیے بنی گالہ روانہ ہوگئے۔

ذرائع کے مطابق تحریک انصاف کے وائس چیئرمین شاہ محمود قریشی اورعارف علوی نےعلی محمد سے شمولیت کے لیے رابطہ کیا تھا۔

خیال رہے کہ سردارعلی محمد مہر 3مرتبہ قومی اسمبلی کے ممبر جبکہ ایک مرتبہ ایم پی اے منتخب ہوئے۔ سردارعلی محمدمہر2002 میں وزیراعلیٰ سندھ بھی رہ چکے ہیں۔

مانسہرہ سے کامیاب آزاد امیدوار تحریک انصاف میں شامل

واضح رہے دو روز قبل مانسہرہ سے قومی اسمبلی کی نشست جیتنے والے صالح محمد نے تحریک انصاف کے چیئرمین عمران خان سے ملاقات کی تھی اور پی ٹی آئی کی قیادت اورمنشور پرمکمل اعتماد کا اظہار کرتے ہوئے باضابطہ شمولیت کا اعلان کیا تھا۔

صالح محمد نے قومی اسمبلی کے حلقہ این اے 13 سے دلچسپ مقابلے کے بعد ایک لاکھ 9 ہزار 262 ووٹ لے کرکامیابی حاصل کی تھی جہاں ان کے حریف اورمسلم لیگ ن کے امیدوار سردار شاہ جہاں یوسف نے 1 لاکھ 7 ہزار 808 ووٹ لیے تھے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں