The news is by your side.

Advertisement

سرکاری ادارے کے طیارے کی ایمرجنسی لینڈنگ، ن لیگی ایم این اے نے پارٹی چھوڑنے کا اعلان کردیا

لاہور: پی آئی اے کی پرواز کی لاہور میں ہنگامی لینڈنگ پر ن لیگ کے ممبر قومی اسمبلی شہاب الدین نے احتجاجاً پارٹی چھوڑنے کا اعلان کردیا۔

تفصیلات کے مطابق پیرس سے اڑان بھرنے والی پی آئی اے پرواز کو اسلام آباد جانا تھا، تاہم اس نے لاہور کے علامہ اقبال انٹرنیشنل ائیر پورٹ پر ہنگامی لینڈنگ کی، کہا گیا کہ ایسا خراب موسمی حالات کی وجہ سے کیا گیا جب کہ لینڈنگ کے دوران ایک پرندہ بھی طیارے سے ٹکرایا ہے۔

فلائٹ کے مسافروں نے اسلام آباد تک اپنے سفر کے لیے متبادل طیارے کا مطالبہ کیا تاہم پی آئی اے کے حکام نے مسافروں کے مطالبے کو مسترد کردیا۔

سرکاری ادارے کے رویے پر مسافروں نے شدید غم و غصے کا اظہار کرتے ہوئے احتجاج کیا جن میں ن لیگ کے ممبر قومی اسمبلی بھی شامل تھے جو اسی پرواز سے اسلام آباد جارہے تھے، انھوں نے قومی ایئرلائن کے ناقص انتظامی معاملات کے خلاف احتجاجاً ایئرپورٹ ہی پر پارٹی چھوڑنے کا اعلان کیا۔

پی آئی اے میں مالی بے ضابطگیوں کا انکشاف، آڈٹ رپورٹ جاری

 

قبائلی علاقے این اے 44 سے منتخب ہونے والے شہاب الدین نے ن لیگ کے ساتھ اپنی وابستگی کو باعث شرم قرار دیا۔ انھوں نے ایئرپورٹ پر کہا کہ یہ میرے لیے شرم کی بات ہے کہ میرا تعلق پاکستان مسلم لیگ ن کے ساتھ ہے۔

واضح رہے کہ ہنگامی لینڈنگ کے بعد پی آئی اے انتظامیہ نے مسافروں سے کہا تھا کہ وہ بسوں کے ذریعے اپنے طور پر اسلام آباد چلے جائیں، تاہم مسافروں کے احتجاج کے بعد ایئرلائن نے اسلام آباد تک سفر کا انتظام کرنے کا مطالبہ منظور کرلیا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں