The news is by your side.

Advertisement

رکن قومی اسمبلی جمشید دستی گرفتار

مظفرگڑھ: رکن قومی اسمبلی جمشید دستی اور ساتھی اجمل کالرو کو پولیس نے گرفتار کر لیا۔

ڈی پی او اویس احمد ملک کے مطابق جمشید دستی نے گزشتہ دنوں ہیڈ کالو پر واقع ڈنگا کینال کو زبردستی کھولا جس پر محکمہ آب پاشی نے نوٹس لیتے ہوئے رکن قومی اسمبلی کے خلاف مقدمہ درج کرنے کا حکم دے دیا۔

پولیس حکام کے مطابق وزیرآبپاشی کی ہدایت پر عمل کرتے ہوئے رکن قومی اسمبلی جمشید دستی کو ساتھی اجمل کالرو سمیت گرفتار کرلیا گیا ہے، انہیں مظفر گڑھ کے تھانہ چوک قریشی منتقل کردیا گیا ہے

دوسری جانب جمشید دستی کے بھائی نے گرفتاری کی تردید کی ہے۔

پڑھیں: جعلی ڈگری کیس میں جمشید دستی کی بریت معطل

یاد رہے کہ جمشید دستی مظفر گڑھ کے حلقہ این اے 178 سے گزشتہ دو انتخابات سے کامیاب ہوتے آرہے ہیں ، انہوں نے 2010 میں بی اے کی جعلی ڈگری کا الزام لگنے پر نیشنل اسمبلی سے استعفیٰ دے دیا تھا۔

بعد ازاں عدالتی احکامات کے بعد جمشید دستی نے دوبارہ ضمنی انتخابات میں حصہ لیا اور کامیاب ہوکر اسمبلی تک پہنچے، جمشید دستی نے 2012 میں پیپلزپارٹی سے علیحدگی کا اعلان کردیا تھا۔

اپریل 2013 میں جمشید دستی پر جعلی ڈگری کا الزام ثابت ہونے کے بعد الیکشن کمیشن کی جانب سے تین سال کی پابندی اور پانچ ہزار روپے جرمانے کی سزا سنائی گئی تھی تاہم انہوں نے سپریم کورٹ میں فیصلے کے خلاف پٹیشن بھی دائر کی تھی۔

دستی کو رہا کیا جائے ورنہ سپلائی بند کردیں گے، آئل ٹینکرز کی دھمکی

دوسری جانب جمشی ددستی کی گرفتاری پر آئل ٹینکرز ایسوسی ایشن نے ہڑتال کی دھمکی دے دی، ایسوسی ایشن کے صدر فیض اللہ آفریدی نے کہا ہے کہ 24 گھنٹے میں جمشید دستی کو رہا نہ کیا گیا تو ملک بھر میں احتجاج کریں گے اور گرفتاری کے خلاف ملک بھر میں تیل کی سپلائی بند کردیں گے۔

انہوں نے مزید کہا کہ جمشید دستی کے خلاف انتقامی کارروائی کی جارہی ہے۔

Print Friendly, PDF & Email

Comments

comments

یہ بھی پڑھیں