ممبئی: پلوامہ واقعے کے بعد بھارت میں ہندو انتہا پسند آپے سے باہر ہو چکے ہیں، ممبئی میں انتہا پسند تنظیم ایم این ایس کے غنڈوں نے پاکستانی مصالحے رکھنے والی دکان پر دھاوا بول دیا۔
تفصیلات کے مطابق مقبوضہ کشمیر میں پلوامہ واقعے کے بعد نہ صرف بھارتی حکومت آپے سے باہر ہو چکی ہے بلکہ بھارتی انتہا پسند عوام بھی بے قابو ہو چکے ہیں۔
[bs-quote quote=”انتہا پسند تنظیم سے تعلق رکھنے والے غنڈوں میں خواتین بھی شامل تھیں۔” style=”style-8″ align=”left”][/bs-quote]
ہندو انتہا پسند تنظیم کے مشتعل غنڈوں نے پاکستانی مصالحے رکھنے والی دکان پر حملہ کر کے اسے تباہ کر دیا اور مصالحوں کو آگ لگا دی۔
اس موقعے پر انتہا پسنوں نے پاکستان کے خلاف نعرے بازی بھی کی اور دکان دار کو جان سے مارنے کی دھمکیاں دیں۔
پاکستان میں تیار شدہ مصالحے نوی ممبئی کی ایک دکان میٹویل میں فروخت کے لیے رکھے گئے تھے، خیال رہے کہ بھارت میں بھی پاکستانی مصالحے ایکسپورٹ ہو کر جاتے ہیں اور وہاں بہت پسند کیے جاتے ہیں۔
ایم این ایس (مہاراشٹر نونرمان سینا) سے تعلق رکھنے والے ورکرز نے دکان کے اسٹاف سے کہا کہ تمام اسٹاک نکال کر باہر کر دے، اس کے بعد مصالحے جلا دیے گئے۔
یہ بھی پڑھیں: بھارت میں ٹماٹروں کی حفاظت کے لیےسیکورٹی گارڈزتعینات
انتہا پسند غنڈوں نے اعلان کیا کہ جہاں بھی پاکستانی مصنوعات فروخت ہوتے ہوئے پائی گئیں، اس کے خلاف ایکشن لیا جائے گا۔
انتہا پسند تنظیم سے تعلق رکھنے والے غنڈوں میں خواتین بھی شامل تھیں، انتہا پسندوں کو اطلاع دی گئی تھی کہ فلاں دکان میں پاکستانی مصالحے فروخت ہوتے ہیں۔
