The news is by your side.

Advertisement

عمران فاروق قتل کیس، ملزم معظم علی کی درخواستِ ضمانت مسترد

اسلام آباد:ڈاکٹرعمران فاروق قتل کیس میں ملزم معظم علی نے اسلام آباد ہائیکورٹ میں ضمانت کی درخواست دائرکی جسے مسترد کردیا گیا.

تفصیلات کے مطابق ڈاکٹرعمران فاروق قتل کیس میں کراچی سے گرفتار ہونے والے  ملزم معظم علی نے اپنے وکلاء شاہد کمال اور منصور آفریدی کے ذریعے اسلام آباد ہائی کورٹ میں ضمانت کی درخواست جمع کروائی۔

معظم علی کے وکلاء نے دلائل دیتے ہوئے موقف اختیار کیا کہ ڈاکٹرعمران فاروق کا قتل لندن میں ہوا، تفتیسی حکام کے مطابق منصوبہ بندی کراچی میں تیار کی گئی، ملزم کی گرفتاری بھی کراچی سے ہوئی تاہم مقدمہ اسلام آباد میں درج کر کے قانون کی خلاف ورزی کی گئی۔

وکلاء کا مزید کہنا تھا کہ ملزم معظم علی کے خلاف براہ راست قتل میں ملوث ہونے کے کوئی شواہد موجود نہیں،اس لیے ملزم پرانسدادِ دہشت گردی کے قوانین کا اطلاق نہیں ہوتا۔

اس موقع پرملزم معظم علی کے وکلاء نے عدالت سے استدعا کی کہ ملزم کی درخواستِ ضمانت قبول کرکے رہا کیا جائے۔

اس موقع پرعدالت نےوکلاء کے دلائل کو مسترد کرتے ہوئے درخواست خارج کردی، عدالت کا کہنا تھا کہ ڈاکٹرعمران فاروق قتل کیس ایک ہائی پروفائل کیس ہے، جس میں ضمانت ممکن نہیں۔

یاد رہے ایم کیو ایم کے ممتاز رہنما ڈاکٹر عمران فاروق کو پانچ سال قبل لندن میں قتل کردیا گیاتھا،قتل کے سہولت کار ہونے کی وجہ سے ملزم معظم علی کو ایک سال قبل کراچی کے علاقے عزیزآباد سے ان کی رہائش گاہ سے گرفتار کیا گیا تھا.

Comments

comments

یہ بھی پڑھیں