نئی دہلی : بھارت میںشدت پسند ہندوؤں نے مسیحی برادری کی عبادت گاہ (چرچ) پر حملہ کردیا، حملے کے نتیجے میں چرچ کی عمارت شدید متاثر ہوئی جب کہ ایک شخص بھی زخمی ہوا۔
غیر ملکی میڈیا کے مطابق بھارتی ریاست اتراکھنڈ کے علاقے مٹیالہ روڈ پر ماضی قریب میں بنائے گئے چرچ پر مشتعل ہجوم نے حملہ کر دیا جس کے نتیجے میں چرچ میں موجود عبادت گزاروں اور مشتعل افراد میں ہنگامہ آرائی ہوئی۔
ہنگامہ آرائی کے دوران چرچ کی عمارت کو بھی نقصان پہنچا جب کہ ایک شخص ہنگامہ آرائی کے دوران زخمی ہوگیا۔
عبادت کیلیے آنے والوں کا کہنا تھا کہ یہ عارضی عبادت گاہ ہے، جس پر آر ایس ایس کے دہشت گردوں نے حملہ کیا، جب کہ مشتعل ہجوم نے کہا کہ چرچ کو بعد میں مستقل طور پر تعمیر کردیا جائے گا۔
معاملہ پولیس تک پہنچا تو پولیس نے چرچ پر حملہ کرنے والوں پر توڑ پھوڑ کا مقدمہ درج کیا جب کہ عبادت گزاروں پر کرونا پابندیوں کی خلاف ورزی پر پرچہ کاٹا گیا۔
Church attacked by RSS goons in Roorkee, Haridwar. Women were brutally beaten up, Church was vandalised. CM Pushkar Singh Dhami was in the Haridwar District when this happened, Did this attack have a sanction of the state government? 🧐 pic.twitter.com/UvHx3wFRgH
— Saral Patel (@SaralPatel) October 3, 2021
