بجٹ معلومات کو عوام تک پہنچانے کے لیے موبائل ایپ متعارف Budget
The news is by your side.

Advertisement

بجٹ معلومات کو عوام تک پہنچانے کے لیے موبائل ایپ متعارف

پشاور: پاکستانی انجینئرز نے ٹیکنالوجی کی دنیا میں ایک اور کارنامہ سرانجام دیتے ہوئے بجٹ ایپ متعارف کروادی۔

تفصیلات کے مطابق ملک میں امن اور ترقی کے لیے کام کرنے والے ادارے سی پی ڈی آئی کی جانب سے پیش کردہ موبائل بجٹ ایپ اپنی نوعیت کی پہلی ایپ ہے۔

بجٹ ٹریکر نامی اس موبائل ایپ میں وفاقی حکومت اور تمام صوبوں کے بجٹ کی تفصیلات عوام کے ساتھ شیئر کی جائیں گی، کوئی بھی صارف مذکورہ صوبے میں مختص ہونے والے کسی بھی بجٹ کو با آسانی دیکھ سکے گا۔

پروگرام مینیجر نے نجی میڈیا سے بات کرتے ہوئے کہا کہ ’’یہ ایپ اپنی نوعیت کی پہلی ایپ ہے، اب عوام آسانی سے سب کچھ جان سکیں گے جس سے وہ اب تک لاعلم رہے ہیں‘‘۔

منتظمین کا کہنا ہے کہ موبائل ایپ میں ابھی فی الحال پرانے بجٹ کا ڈیٹا اپ لوڈ نہیں کیا گیا تاہم آج پیش ہونے والے آئندہ مالی سال کے بجٹ کی تفصیلات دو روز کے اندر فراہم کردی جائیں گی۔

منتظمین کا مزید کہنا ہے کہ ابتدائی طور پر ایپ انگریزی زبان میں لانچ کی گئی ہے تاہم اس کی کامیابی کے بعد ایپ کو مقامی زبانوں میں بھی لانچ کیا جائے گا، یہ ایپ اینڈرائیڈ اسمارٹ فون میں بالکل مفت آسانی سے ڈالی جاسکتی ہے۔

ویڈیو دیکھیں

Comments

comments

یہ بھی پڑھیں