موبائل گیم ’’پوکیمون گو‘‘ نے انٹرنیٹ پر دھوم مچادی -
The news is by your side.

Advertisement

موبائل گیم ’’پوکیمون گو‘‘ نے انٹرنیٹ پر دھوم مچادی

نیویارک: حال ہی میں ریلیز ہونے والے نئے موبائل گیم ’’پوکیمون گو‘‘ نے آتے ہی نیا ریکارڈ اپنے نام کرتے ہوئے تمام سماجی رابطوں کی ویب سائٹس کو پیچھے چھوڑ دیا ہے۔

تفصیلات کے مطابق جاپان سے تعلق رکھنے والی کمپنی نائنٹی ڈو لمیٹیڈ کی جانب سے ریلیز کیے جانے والے اس گیم نے انٹرنیٹ پر آتے ہی صارفین کو اس قدر متاثر کیا کہ ٹوئیٹر اور انسٹا گرام جیسی ویب سائٹس کو بھی پیچھے چھوڑ دیا ہے صرف 7 روز کے اندر امریکا میں اس کے صارفین کی تعداد 65 ملین تک جا پہنچی ہے۔

A virtual map of Bryant Park is displayed on the screen as a man plays the augmented reality mobile game "Pokemon Go" by Nintendo in New York City

یہ گیم تاحال صرف دو ممالک میں باقاعدہ طور پر ریلیز کیا گیا ہے باجود اس کےرئیلٹی گیم موبائل کی یہ اپیلیکشن بقیہ دیگر موبائل کی  بڑی ایپس جن میں ٹوئیٹر ، انسٹا گرام قابل ذکر ہیں کو پیچھے چھوڑنے میں کامیاب ہوگئی ہے، گیم کے صارفین اس پر روزانہ 43 منٹ 22 سیکنڈ کا وقت گزارتے ہیں ،واٹس  ایپ، انسٹاگرام، اسنیپ چیٹ سمیت کسی بھی موبائل ایپ کا صارف روزانہ اتنا وقت کسی ایپ کو نہیں دیتا۔

لینزیو پیزا بار نیویارک کے مطابق 75 فیصد سے زائد صارفین جو ان کے پاس آتے ہیں کھیلتے نظر آئے ہیں، جبکہ نیوریارک پوسٹ کی رپورٹ کےمطابق اسٹور مینجر نے اپنے ہوٹل پر پوکیمون کے کئی کردار آویزاں کردیئے ہیں جس کے باعث لوگوں کی بڑی تعداد یہاں آنے کو ترجیح دیتی ہے۔

اس گیم میں 20 سالہ کارٹون کو اپنی منزل تک پہنچنے کےلیے کئی دشوار راستوں سے گزرنا پڑتا ہے، جسے انتہائی دلچسپ طریقے سے تیار کیا گیا ہے، گیم کے ریلیز ہوتے ہی صارفین کی بڑی تعداد کے استعمال اور انسٹال کرنے کے باعث کمپنی شدید مشکلات کا سامنا کرنا پڑا،ابتدائی طور پر یہ گیم اینڈرائڈ اور آئی او ایس کے لیے دستیاب ہے تاہم پاکستان میں دلچسپی رکھنے والے اینڈرائڈ صارفین کسی اے پی کے ڈاؤن لوڈ سائٹ سے اے پی فائل کی شکل میں انسٹال کرسکتے ہیں مگر اس سے موبائل میں وائرس آنے کا خدشہ ہے۔

 

Comments

comments

یہ بھی پڑھیں