یوم عاشور پر ملک کے 68 اضلاع میں موبائل فون سروس بند رہے گی -
The news is by your side.

Advertisement

یوم عاشور پر ملک کے 68 اضلاع میں موبائل فون سروس بند رہے گی

اسلام آباد / کراچی : وفاقی حکومت نے دس محرم الحرام کو ملک کے 68 اضلاع میں موبائل فون سروس بند کرنے کی ہدایت کردی ہے ۔

ذرائع کے مطابق یوم عاشورہ کے موقع پر پنجاب کے 34 ، سندھ کے 8 ، خیبرپختونخواہ کے 15 ، بلوچستان کے تین ، گلگت بلتستان کا ایک اور آزاد جموں و کشمیر کے سات اضلاع میں موبائل فون سروس بند رہے گی۔

مختلف صوبائی حکومتوں نے وفاقی وزارت داخلہ کو موبائل فون سروس بند کرنے کی درخواست کی تھی جس کی وجہ سیکیورٹی خدشات تھے اس کو سامنے رکھتے ہوئے موبائل فون سروس بند کرنے کا فیصلہ کیا گیا۔

علاوہ ازیں سندھ کے محکمہ داخلہ کی جانب سے جاری کردہ حکم نامہ کے مطابق دس محرم کو 8اضلاع میں موبائل فون سروس پر بھی پابندی عائد ہو گی۔

جن میں خیر پور ،بدین حیدرآباد کراچی سمیت دیگر اضلاع بھی شامل ہیں، کسی بھی نا خوشگوار صورتحال سے نمٹنے کیلئے رینجرزاور پولیس کے اہلکار بھی تعینات کئے جائیں گے۔

Comments

comments

یہ بھی پڑھیں