تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

بھارت میں جنونیت بے قابو، موبائل چوری کے شبے میں بے گناہ نوجوان قتل

مالدہ : بھارتی ریاست مغربی بنگال میں ایک 22 سالہ نوجوان کو موبائل چوری کرنے کے شبے میں مار مار کر موت کی نیند سلادیا گیا، پولیس نے دو ملزمان کو گرفتار کرکے مقدمہ درج کرلیا۔

اس حوالے پولیس کا کہنا ہے کہ واقعہ گزشتہ شب انگلش بازار تھانے کے علاقے کمالبری گاؤں میں پیش آیا، ابتدائی تفتیش کے دوران معلوم ہوا ہے کہ مقتول اسماعیل شیخ پر حضرت علی نامی شخص کا موبائل فون چوری کرنے کا الزام تھا اور بدھ کی رات پہلی بار اسے مارا پیٹا گیا۔

انسپکٹر انچارج مدن موہن رائے کا کہنا تھا کہ جمعرات کی رات نوجوان پر چاقو سے وار کیا تھا جس سے وہ معمولی زخمی ہوگیا، جمعہ کی رات گاؤں کے لوگوں نے رسی سے باندھ کر پیٹا، پولیس کی ایک ٹیم نے موقع پر پہنچ کر اسے تشویشناک حالت میں مالدہ میڈیکل اسپتال میں داخل کرایا جہاں دوران علاج وہ چل بسا۔

پولیس نے میڈیا کو بتایا کہ نعش پوسٹ مارٹم کے لئے بھیج دی گئی ہے اور مزید تفتیش جاری ہے۔ پولیس کے مطابق نوجوان کے قتل میں ملوث دوملزمان کو گرفتار کرکے مقتول کے بھائی کی مدعیت میں مقدمہ درج کرلیا گیا ہے۔

انسپکٹر رائے نے مزید کہنا تھا کہ پولیس اس بات کی بھی تحقیقات کر رہی ہے کہ کورونا وائرس کے پھیلاؤ پر قابو پانے کے لئے لگائے گئے لاک ڈاؤن کے دوران گاؤں والے کس طرح جمع ہوئے اس کیخلاف بھی کارروائی کی جائے گی۔

Comments

- Advertisement -