پاکستان ٹیلی کمیونیکیشن اتھارٹی (پی ٹی اے) نے موبائل صارفین کو ویلیو ایڈڈ سروسز کی معلومات تک رسائی فراہم کردی ہے۔
پی ٹی اے نے تمام موبائل آپریٹرز کو وی اے ایس معلومات فراہم کرنے کی ہدایت کردی جس کے بعد صارفین غیرضروری ویلیو ایڈڈ سروسز کی سبکسرپشنز خود چیک اور بند کرسکیں گے۔
پی ٹی اے کا کہنا ہے کہ غیرضروری کٹوتیوں سے بچنے کے لیے صارفین اپنے فعال وی اے ایس پیکجز چیک کریں، صارفین ناپسندیدہ وی اے ای ایس سبکسکرپشنز فوری طور پر ڈی ایکٹیویٹ کرسکیں گے۔
یہ پڑھیں: آپ کا واٹس ایپ اکاؤنٹ بند ہوسکتا ہے؟ پی ٹی اے نے خبردار کردیا
فعال ویلیو ایڈڈ سروسز کی باقاعدہ جانچ سے غیرضروری اخراجات سے بچا جاسکے گا۔
پی ٹی اے کے اس اقدام کا مقصد صارفین کو اپنے موبائل اکاؤنٹس پر مکمل آگاہی فراہم کرنا، شفافیت کو فروغ دینا اور غیر ضروری کٹوتیوں سے بچانے میں مدد فراہم کرنا ہے تاکہ وہ اپنی فعال سروسز کا بروقت جائزہ لے سکیں۔
