ہماری زندگی میں موبائل فون کا استعمال اس قدر سرائیت کرچکا ہے کہ اس کے بغیر لوگوں کی بڑی تعداد خود کو ادھورا محسوس کرتی ہے لیکن ایسا سب کے ساتھ نہیں60فیصد صارفین اس عادت میں مبتلا ہیں۔
حالیہ دنوں میں کی گئی ایک تحقیق سے یہ معلوم ہوا ہے کہ10میں سے چھ افراد ایک دن سے زیادہ موبائل کے بغیر نہیں رہ سکتے۔
دو ہزار اسمارٹ فون صارفین پر کیے جانے والے ایک سروے میں محققین کو معلوم ہوا کہ10 میں سے تین افراد اپنا فون لیے بغیر گھر سے نہیں نکلتے،۔
سروے کے مطابق 13 فیصد افراد اپنی ڈیوائس راستے کی تلاش کے لیے استعمال کرتے ہیں جبکہ 16 فیصد اپنی ڈیوائسز کو آئینے کے طور پر استعمال کرتے ہیں۔
68فیصد افراد اپنے اسمارٹ فونز کو تصاویر کھینچنے کے لیے استعمال کرتے ہیں جبکہ 64 فیصد وقت دیکھنے کے لیے اور62 فیصد افراد اسمارٹ فون کا استعمال موسم کے متعلق جاننے کے لیے کرتے ہیں۔
سروے میں یہ بات بھی سامنے آئی کہ27 فیصد افراد اپنی منزل پر پہنچنے کے لیے مکمل طور پر اپنے اسمارٹ فون پر انحصار کررہے ہوتے ہیں جبکہ 35 فیصد افراد نے یہ اعتراف کیا کہ انہوں نے کبھی چَھپے ہوئے نقشے کا استعمال نہیں کیا۔
تحقیق سے یہ بھی معلوم ہوا کہ12 فیصد افراد نے اس بات کا اعتراف کیا کہ ان کے فون کی بیٹری جب ختم ہو رہی ہوتی ہے تو انہیں شدید فکر لاحق ہوجاتی ہے۔
غیر ملکی خبر رساں ادارے کی رپورٹ کے مطابق سروے میں55فیصد سے زائد افراد کا کہنا تھا کہ بیٹری کا ختم ہونا ان کے لیے ڈراؤنے خواب کی طرح ہے، غیر ، ایک شخص دن میں کم از کم دو بار فون چارج کرتا ہے تاکہ اس مسئلے کا شکار نہ ہو۔
