The news is by your side.

Advertisement

ملک کے مختلف شہروں میں موبائل فون سروس بحال

کراچی : ملک کے مختلف شہروں میں موبائل فون سروس بحال ہونا شروع ہوگئی، شہریوں نے سکھ کا سانس لیا۔

تفصیلات کے مطابق ملک بھر کے بڑے اور حساس شہروں میں چہلم حضرت امام حسین رضی اللہ تعالیٰ عنہ کے جلوس کے اختتام پذیر ہونے کے بعد جلوس کی سیکیورٹی کے لیے بند کی گئی موبائل فون سروس بحال ہونا شروع ہوگئی۔

ملک بھر کے بڑے شہروں سے موصولہ اطلاعات کے مطابق کراچی، لاہور، کوئٹہ، پشاور، فیصل آباد، حیدرآباد، نواب شاہ، گلگت، ہری پور اور جیکب آباد سمیت دیگر شہروں میں موبائل فون سروس کی بحالی شروع ہوگئی ہے تاہم بعض شہروں میں سروس کی جزوی طور پر بحالی کی بھی اطلاعات ہیں۔

مزید پڑھیں چہلم شہدائے کربلا کے ماتمی جلوس اختتام پذیر

واضح رہے کہ مختلف شہروں میں موبائل فون سروس دوپہر بارہ بجے سے رات دس بجے تک کیلیے بند کی گئی تھی جو اب کافی حد تک بحال ہوگئی ہے۔ گزشتہ روز ملک کے مختلف شہروں میں موبائل فون سروس بند کرنے کا فیصلہ کیا گیا تھا۔

Print Friendly, PDF & Email

Comments

comments

یہ بھی پڑھیں