The news is by your side.

Advertisement

اسلام آباد: یوم آزادی پر موبائل فون سروس بند رکھنے کا فیصلہ

اسلام آباد: یوم آزادی کے موقع پر دہشت گردی کے ممکنہ حملے کے پیش نظر ضلعی انتظامیہ نے موبائل فون معطل رکھنے کا فیصلہ کرلیا۔

تفصیلات کے مطابق یومِ آزادی کے موقع پر دہشت گردی کے ممکنہ خطرے کے پیش نظر اسلام آباد کی ضلعی انتظامیہ نے وفاقی دار الحکومت میں موبائل فون سروس معطل رکھنےکا فیصلہ کرلیا ہے۔

اس ضمن میں ضلعی انتظامیہ کی جانب سے وزارتِ داخلہ کو درخواست بھیج دی گئ ہے جس میں صبح 6 بجے سے دوپہر 12 تک موبائل فون سروس معطل رکھنے کی استدعا کی گئی ہے۔

وزارتِ داخلہ نے ضلعی انتظامیہ کی جانب سے بھیجی گئی درخواست موصول ہونے کے بعد پاکستان ٹیلی کمیونی کیشن اتھارٹی کو بھی آگاہ کردیا ہے اور موبائل فون سروس معطل رکھنے کی ہدایت کی گئی ہیں۔

قبل ازیں بھی اہم مواقع پر وفاقی، صوبائی اور ضلعی انتظامیہ کی جانب سے پورے ملک میں موبائل فون سروس بند رکھنے کے اقدامات کیے جاچکے ہیں تاہم ضلعی انتظامیہ کی درخواست کے مطابق موبائل فون سروس صرف اسلام آباد میں ہی معطل رہے گی۔

Print Friendly, PDF & Email

Comments

comments

یہ بھی پڑھیں