موبائل فون سروسز فراہم کرنے کی کمپنی وارد ٹیلی کام موبی لنک میں ضم -
The news is by your side.

Advertisement

موبائل فون سروسز فراہم کرنے کی کمپنی وارد ٹیلی کام موبی لنک میں ضم

لاہور: موبائل فون سروسز فراہم کرنے کی کمپنی وارد ٹیلی کام کو موبی لنک میں ضم کردیا گیا ہے، موبی لنک کے سربراہ جیفری ہیڈ برگ کا کہنا ہے کہ ریگولریٹری اتھارٹی کا این اوسی ملنے کے بعد وارد کا انتظام سنبھال لیں گے۔

لاہور مشترکہ پریس کانفرنس کرتے ہوئے وارد ٹیلی کام اور موبی لنک کے چیف ایگزیکٹیو آفیسرز نےبتایا کہ وارد ٹیلی کام کو موبی لنک ٹیلی کام میں ضم کیا جا رہا ہے۔

موبی لنک پاکستان کے سربراہ جیفری ہیڈ برگ نے کہا کہ موبی لنک اور وارد کے مجموعی صارفین کی تعداد چارکروڑپچاس لاکھ سے تجاوز کرنے پر یہ پاکستان کی سب سے بڑا موبائل نیٹ ورک بن جائے گا۔موبی لنک اور وارد کے انضمام سے مالکان ، شیئر ہولڈرز اورصارفین کو فائدہ ہوگا۔

وارد ٹیلی کام پاکستان کے سربراہ منیر فاروقی نے کہا کہ دونوں کمپنیاں مل کر موبائل پیسہ اور منی ٹرانسفر کی سہولیات مہیا کرنے میں زیادہ بہتر طور پر کام کر سکیں گی۔ اس کے ساتھ ساتھ موبی لنک صارفین کو فور جی ایل ٹی ای کی سروسز سے مزید فائدہ ہوگا۔

انہوں نے کہا کہ یہ کاروباری ڈیل ہے کوئی سیاسی ایشو نہیں، تمام معاملات طے پانے میں چھ ماہ لگ سکتے ہیں ۔

Comments

comments

یہ بھی پڑھیں