site
stats
پاکستان

لاہور: رہائشی اسکیم کے نام پر اربوں‌ روپے کا فراڈ، ملزمان گرفتار

arrest

لاہور:ماڈل ہاؤسنگ انکلیو کے نام پر عوام سے اربوں روپے کے فراڈ کا انکشاف ہوا ہے، نیب نے ماڈل ہاؤسنگ کے سی ای او اور دیگر ڈائریکٹرز کو گرفتار کرلیا۔

تفصیلات کے مطابق لاہور میں شہریوں سے اربوں روپے کے ایک نئے فراڈ کا انکشاف ہوا ہے جس میں ملزمان نے ماڈل ہاؤسنگ انکلیو کے نام پر پراپرٹی دینے کی مد میں عوام سے اربوں روپے وصول کرلیے۔

نیب لاہور کے مطابق ماڈل ہاؤسنگ انکلیو کے چیف ایگزیکٹو آفیسر فرحان چیمہ اور دیگر ڈائریکٹرز کو گرفتار کرلیا گیا ہے۔

ماڈل ہاؤسنگ انکلیو ایل ڈی اے سے منظور شدہ نہیں، نیب

نیب لاہور کے مطابق ملزمان کو غیر قانونی فائلیں فروخت کرتے ہوئے گرفتار کیا گیا، ماڈل ہاؤسنگ انکلیو کا لے آؤٹ ایل ڈی اے سے منظور شدہ نہیں، ملزمان نے چند کینال کی جعلی فائلیں بیچ کر اربوں روپےکمائے اور رعایتی واؤچر کے نام پر سیکڑوں لوگوں کو دھوکا دیا۔

نیب حکام کا کہنا ہے کہ ملزمان کے بیرون ملک فرار ہونے کے خدشے کے پیش نظر گرفتاری عمل میں لائی گئی، ملزمان کو ریمانڈ کے لیے کل احتساب عدالت کے روبرو پیش کیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top