ماڈل و اداکاروں کی جانب سے مختلف برانڈز کے فوٹو شوٹ کیے جاتے ہیں جنہیں مداحوں کی جانب سے بھی خوب سراہا جاتا ہے لیکن کوئی ماڈل اپنے باپ کی لاش پر بھی فوٹو شوٹ کرواسکتی ہے ایسا کبھی نہیں ہوا۔
لیکن ایک انسٹاگرام پر ماڈل سوشل میڈیا پر اپنے والد کی آخری رسومات میں والد کے تابوت کے ساتھ کھڑے ہونے کی تصویر شیئر کرکے تنقید کی زد میں آگئیں۔
امریکی ریاست فلوریڈا میں مقیم 20 سالہ جین رویرا نے ردعمل کے بعد انسٹاگرام اکاؤنٹ حذف کردیا لیکن ان کی تصاویر کے اسکرین شاٹ سوشل میڈیا کے مختلف پلیٹ فارمز پر گردش کررہے ہیں۔
this Instagram model’s father passed away,,,, and she did a photo shoot with the open casket…. pic.twitter.com/u1EVNxaajz
— Mac McCann (@MacMcCannTX) October 26, 2021
تصاویر میں اس نے تابوت کے پاس کھڑے ہوئے سیاہ بولڈ لباس زیب تن کیا ہوا ہے جسے امریکی پرچم سے مزید کیا گیا تھا، ایک فریم میں اس نے ہاتھ جوڑ کر پوز دیا۔
سوشل میڈیا صارفین کی جانب سے ماڈل پر کڑی تنقید کی جارہی ہے، ایک صارف نے لکھا کہ ان کے والد کا انتقال ہوگیا اور اس نے تابوت کے ساتھ فوٹو شوٹ کروایا۔
ایک صارف نے ماڈل پر تنقید کرتے ہوئے لکھا کہ ’لگتا ہے کہ لوگ تمام شائستگی کھو چکے ہیں۔‘
Have I mentioned the problem of a narcissistic and performative culture https://t.co/l7U7ZqdQKO
— Tom Nichols (@RadioFreeTom) October 27, 2021
اکثر صارفین نے والد کے تابوت کے ساتھ تصویر پر مسکرانے اور پوز دینے پر اسے تنقید کا نشانہ بنایا اور لکھا کہ کیا آپ کسی کے جنازے میں یہ پہنو گی۔
دوسری جانب ماڈل اپنی حرکت پر شرمندہ ہونے کی بجائے اپنا دفاع کرتے ہوئے کہنے لگیں کہ بہترین ارادوں کے ساتھ تصاویر لی گئی ہیں اگر میرے والد زندہ ہوتے تو اس کی منظوری دیتے۔‘
فوٹو شوٹ کے تخلیق کار نے کہا کہ ہر کوئی اپنے پیاروں کے کھو جانے کو اپنے طریقے سے ہینڈل کرتا ہے، کچھ زیادہ روایتی ہیں جبکہ دوسرے ممنوع کے طور پر سامنے آسکتے ہیں۔
ماڈل کا کہنا تھا کہ ’میرے لیے یہ سب ایسا تھا کہ جیسے والد میرے بالکل قریب ہیں۔‘