ماڈل ٹاؤن شہداء کے لواحقین کوانصاف فراہم کیا جائے، فردوس عاشق اعوان -
The news is by your side.

Advertisement

ماڈل ٹاؤن شہداء کے لواحقین کوانصاف فراہم کیا جائے، فردوس عاشق اعوان

لاہور : تحریک انصاف کی رہنما ڈاکٹر فردوس عاشق اعوان نے کہا ہے کہ حکومت ماڈل ٹاؤن شہداء کے لواحقین کوانصاف فراہم کرے، وزیر قانون پنجاب جب تک پھانسی کے پھندے پر نہیں لٹکیں گے اس وقت تک ماڈل ٹاؤن شہداء کے ورثاء کو تسکین نہیں ملے گی۔

ان خیالات کا اظہار انہوں نے استنبول چوک لاہور میں عوامی تحریک کے زیر اہتمام دھرنے کے شرکاء سے خطاب کرتے ہوئے کیا۔

فردوس عاشق اعوان نے کہا کہ کیا وجہ ہے کہ ماڈل ٹاؤن شہداء کے لواحقین آج بھی انصاف کے حصول کیلئے سڑکوں پر دھکے کھارہے ہیں، لیکن انہہیں کوئی پوچھنے والا نہیں، ماڈل ٹاؤن شہداء کے لواحقین کو سلام پیش کرتی ہوں، حکومت شہدا کے لواحقین کو انصاف فراہم کرے۔

انہوں نے شرکاء کو مخاطب کرتے ہوئے کہا کہ عمران خان آپ کو انصاف دلانے کیلئے شانہ بشانہ رہیں گے، نااہل وزیر اعظم پوچھ رہے ہیں کہ مجھےکیوں نکالا گیا تو آپ کو معلوم ہونا چاہئے کہ آپ کو سانحہ ماڈل ٹاؤن کے متاثرین کی فریاد پر نکالا گیا، نواز شریف تمہیں ان کی بد دعائیں لے ڈوبیں۔

ان کا کہنا تھا کہ جب تک قاتل اعلیٰ شہباز شریف اور وزیر قانون پنجاب رانا ثناء اللہ پھانسی کے پھندے پر نہیں لٹکیں گے تب تک شہداء کی روحوں کے لواحقین کو سکون نہیں ملے گا۔

فردوس عاشق اعوان نے مزید کہا کہ پولیس ذاتی ملازم نہیں پبلک سرونٹ ہے، پاکستان کوسب سےپہلےبوسیدہ نظام سےنجات چاہئے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں