The news is by your side.

Advertisement

سانحہ ماڈل ٹاؤن: عدالت نے پنجاب حکومت کو آخری مہلت دے دی

لاہور: عدالت نے سانحہ ماڈل ٹاؤن کی دستاویزات فراہمی سے متعلق کیس میں پنجاب حکومت کو آخری موقع دے دیا ہے۔

تفصیلات کے مطابق لاہور ہائیکورٹ میں پاکستان عوامی تحریک کی جانب سے سانحہ ماڈل ٹاؤن کی جوڈیشل انکوائری کی دستاویزات فراہمی سے متعلق دائر درخواست پر سماعت ہوئی، جسٹس شاہد کریم نے سماعت کی۔

دائر درخواست میں سانحہ ماڈل ٹاؤن کی جوڈیشل انکوائری کی دستاویزات فراہم نہ کرنے کے اقدام کو چیلنج کیا گیا تھا۔

دوران سماعت درخواست گزار کے وکیل اظہر صدیق نے بتایا کہ دو ہزار اٹھارہ سے یہ کیس چل رہا اور اتنا عرصہ گزرنے کے باوجود پنجاب حکومت سانحہ ماڈل ٹاؤن کی جوڈیشل انکوائری کی دستاویزات فراہم نہیں کر رہی، اس لیے صوبائی حکومت کو سانحہ ماڈل ٹاؤن کی جوڈیشل انکوائری کی تمام دستاویزات فراہم کرنے کا حکم دیا جائے۔

یہ بھی پڑھیں: سانحہ ماڈل ٹاؤن کی نئی جے آئی ٹی کے خلاف نیا لارجر بینچ تشکیل

عدالت نے پی اے ٹی کی درخواست منظور کرتے ہوئے پنجاب حکومت کو آخری بار مہلت دیتے ہوئے قرار دیا کہ اگر پنجاب حکومت مصدقہ دستاویزات نہیں دے سکتی تو عدالت کو ٹھوس وجوہات سے آگاہ کرے۔

بعد ازاں عدالت نے درخواست پر مزید کارروائی30 جون تک ملتوی کرتے ہوئے پنجاب حکومت سے جواب طلب کرلیا۔

Comments

یہ بھی پڑھیں