The news is by your side.

Advertisement

کورونا ویکسین کتنی کارآمد ہے؟ امریکہ نے آزمائشی نتائج کی تفصیل جاری کردی

نیو ہمپشائر : امریکی ادارے ایف ڈی اے نے کورونا ویکسین کے آزمائشی نتائج کے بارے میں کہا ہے کہ مذکورہ ویکسین مریضوں کیلئے94فیصد سے زائد مؤثر ہے، ویکسین کی تیس ہزار سے زائد افراد پر تحقیق کی گئی۔

تفصیلات کے مطابق امریکہ کے خوراک اور دواؤں کے انتظامی ادارے ایف ڈی اے نے امریکی دوا ساز کمپنی موڈرنا کی تیار کردہ کورونا ویکسین کے آزمائشی نتائج کا تفصیلی تجزیہ جاری کیا ہے۔

ایف ڈی اے کے مطابق تجزیے میں تحفظ سے متعلق ایسے کوئی خاص خدشات نہیں پائے گئے جو ای یُو اے یعنی ہنگامی استعمال کی منظوری کے اجراء میں رکاوٹ ہوں۔

گزشتہ روز ایف ڈی اے کی جاری کردہ دستاویز میں ویکسین کا جائزہ تقریباً 30 ہزار افراد پر آزمائش کے نتائج کے حوالے سے لیا گیا ہے، موڈرنا نے گزشتہ ماہ ویکسین کے ہنگامی استعمال کی اجازت کی درخواست دی تھی۔

دستاویز کے مطابق ویکسین کی دوسری خوراک کے کم از کم دو ہفتے بعد ویکسین بحیثیت مجموعی 94.1 فیصد مؤثر پائی گئی۔ دستاویز میں کہا گیا ہے کہ یہ بھی معلوم ہوا کہ اس کی تاثیر عمر کے لحاظ سے مختلف ہے۔

آزمائشی تحقیق کے مطابق18 سے64 سال تک کے مریضوں میں اس کی افادیت95.6 فیصد تھی جبکہ65 سال یا اس سے زائد عمر کے مریضوں کے لیے یہ84.4 فیصد مؤثر پائی گئی۔

یاد رہے کہ ویکسین پر مزید بحث و مباحثے کے لیے ایف ڈی اے کے ایک مشاورتی پینل کا اجلاس جمعرات کے روز ہوگا،توقع ہے کہ ایف ڈی اے اس پینل کی سفارشات کی بنیاد پر ویکسین کے ہنگامی استعمال کی منظوری دینے یا نہ دینے کا جلد فیصلہ کرے گی۔

Comments

یہ بھی پڑھیں