سابق بھارتی کرکٹر کیرتی آزاد نے وزیراعظم نریندر مودی کے انڈین ڈریسنگ روم میں جانے کے عمل پر اعتراض اٹھا دیا۔
آئی سی سی کرکٹ ورلڈلپ 2023 کے فائنل میں بھارتی ٹیم کو آسٹریلیا کے ہاتھوں ہوم کراؤڈ کے سامنے غیرمتوقع طور پر شکست سے دوچار ہونا پڑا تھا، جس کے بعد کئی پلیئرز روتے ہوئے بھی نظر آئے تھے۔ مودی اپنی ٹیم کی اشک شوئی کرنے ڈریسنگ روم پہنچ گئے تھے۔
1983 ورلڈ کپ جیتنے والے اسکواڈ کا حصہ رہنے والے بھارتی کرکٹ ٹیم کے سابق رکن نے انڈین وزیراعظم نریندر مودی کے ورلڈ کپ فائنل کے بعد ڈریسنگ روم کے اندر کھلاڑیوں کو تسلی دینے پر تنقید کی ہے۔
کیرتی آزاد کا یہ رد عمل اس وقت سامنے آیا جب مودی کی ڈریسنگ روم کے اندر کھلاڑیوں کی حوصلہ افزائی کرنے پہنچے اور یہ کلپ سوشل میڈیا پر وائرل ہوگیا۔
ترنمول کانگریس پارٹی کے رکن کا ماننا ہے کہ وزیر اعظم کو ان کے ڈریسنگ روم میں جانے کے بجائے ٹیم سے پرائیویٹ وزیٹرز ایریا میں ملنا چاہیے تھا۔
64 سالہ کیرتی نے انٹرنیشنل کرکٹ کونسل کو ٹیگ کرتے ہوئے ’ایکس‘ پر پیغام جاری کیا کہ ’ڈریسنگ روم کسی بھی ٹیم کے لیے ایک مقدس مقام ہوتا ہے۔‘
انھوں نے لکھا کہ ’کھلاڑیوں اور معاون عملے کے علاوہ کسی کو بھی یہاں داخل ہونے کی اجازت نہیں ہونی چاہیے۔ بھارتی وزیر اعظم کو ٹیم سے ڈریسنگ روم کے باہر نجی وزیٹرز ایریا میں ملنا چاہیے تھا۔‘
The dressing room is the
sanctum sanctorum of any
team. @ICC does not allow anybody
to enter these rooms apart
from the players and the
support staff.PM of India should have met
the team outside the dressing
room in the private visitors
area.I say this as a…
— Kirti Azad (@KirtiAzaad) November 21, 2023
ساتھ ہی کیرتی آزاد کا مزید کہنا تھا کہ ’میں یہ بات بطور سیاستدان نہیں بطو کھلاڑی کہہ رہا ہوں کیا مودی اپنے حامیوں کو ان بیڈ روم، ڈریسنگ روم یا بیت الخلا میں آنے اور تسلی دینے یا مبارکباد دینے کی اجازت دیں گے؟
واضح رہے کہ بھارتی ٹیم کو ایک لاکھ سے زیادہ شائقین کے سامنے آئی سی سی ورلڈکپ فائنل میں آسٹریلیا کے ہاتھوں ہزیمت اٹھانا پڑی تھی، جس پر مودی تسلی دینے بھارتی ٹیم کے ڈریسنگ روم جاپہنچے تھے۔
#WATCH | Prime Minister Narendra Modi met Team India in their dressing room after the ICC World Cup Finals at Narendra Modi Stadium in Ahmedabad, Gujarat on 19th November.
The PM spoke to the players and encouraged them for their performance throughout the tournament.
(Video:… pic.twitter.com/ZqYIakoIIj
— ANI (@ANI) November 21, 2023
