The news is by your side.

Advertisement

مودی کو بم سے اڑانے کی دھمکی

نئی دہلی: وزیر اعظم نریندر مودی کو بم سے اڑانے کی دھمکی دی گئی ہے۔

تفصیلات کے مطابق بھارتی وزیر اعظم مودی کو کسی نامعلوم شخص نے دھکمی دی ہے کہ 20 کلوگرام آر ڈی ایکس، اور پورے ملک میں سلیپر سیلز کے ساتھ ان کے قتل کا منصوبہ تیار ہے۔

نیشنل انویسٹی گیشن ایجنسی (این آئی اے) نے وزیر اعظم نریندر مودی کو قتل کی دھمکی پر مبنی ای میل موصول ہونے کے بعد کارروائی شروع کر دی ہے، ای میل میں بھیجنے والے نے دعویٰ کیا ہے کہ اس کے پاس 20 کلوگرام آر ڈی ایکس ہے اور یہ ہزاروں لوگوں کی جان لے سکتا ہے۔

‘وزیراعظم عمران خان پر قاتلانہ حملے کا منصوبہ سامنے آگیا’

ای میل بھیجنے والے نے مزید کہا کہ وہ ان لوگوں کے ساتھ رابطے میں ہے جو یہ کام کر سکتے ہیں، جو اس ملک کے لیے ایک بڑا المیہ پیدا کر دیں گے، میں نے 28 فروری کو ملک بھر میں 20 سلیپر سیل کو فعال کر دیا ہے۔

امریکا نے بھارت کو بھی دھمکی دے دی

یہ پہلا موقع نہیں ہے جب تحقیقاتی ایجنسی کو پی ایم مودی کو مارنے کی دھمکی آمیز میل موصول ہوئی ہو، 2018 میں، پونا پولیس کو لکھے گئے خط میں وزیر اعظم مودی کو ‘راجیو گاندھی طرز’ سے قتل کرنے کی سازش کا انکشاف ہوا تھا۔

این آئی اے کو مودی کو جان سے مارنے کی دھمکی والی ای میل موصول ہونے کے بعد سیکیورٹی ایجنسیوں میں ہلچل مچ گئی ہے، ای میل کرنے والے نے یہ بھی لکھا کہ وہ خودکشی کرنے جا رہا ہے تاکہ اس سازش کو بے نقاب نہ کیا جا سکے۔

Comments

یہ بھی پڑھیں