The news is by your side.

Advertisement

مودی بدترین سیاسی اور معاشی مسائل سے توجہ ہٹانا چاہتا ہے، شبلی فراز

اسلام آباد : وزیر اطلاعات شبلی فراز نے کہا ہے کہ نریندر مودی بدترین سیاسی اور معاشی مسائل سے توجہ ہٹانا چاہتا ہے۔

ان خیالات کا اظہار وفاقی وزیر اطلاعات و رہنما پاکستان تحریک انصاف شبلی فراز نے سماجی رابطے کی ویب سائٹ ٹوئٹر پر کیا، انہوں نے اپنے ٹوئٹ میں کہا کہ بھارتی وزیر اعظم نریندر مودی کی قیادت میں بھارت ایک ریاست بن گیا ہے۔

شبلی فراز کا مودی کی جارحانہ پالیسی سے متعلق کہنا تھا کہ مودی بدترین سیاسی اور معاشی مسائل سے توجہ ہٹانا چاہتا ہے اور بھارتی وزیر اعظم توجہ ہٹانے کےلیے خطے میں عدم استحکام پیدا کررہا ہے۔

خیال رہے کہ وفاقی وزیر خارجہ شاہ محمود قریشی نے بھی بھارتی جارحیت سے متعلق کہا تھا کہ بھارت پاکستان کے مختلف علاقوں میں سلیپر سیل متحرک کرسکتا ہے۔

وزیرستان ہو یا ایل او سی پر فائرنگ بھارت کو پاکستان میں امن نہیں بھاتا، بھارت بالکل نہیں چاہتاکہ پاکستان میں امن ہو۔

انہوں نے کہا کہ بی جےپی سرکار بےپناہ دباؤ میں ہے اور لداخ میں رسوائی پرمودی پرسوالات اٹھ رہےہیں، بھارت پاکستان کےمختلف علاقوں میں سلیپرسیل متحرک کرسکتاہے۔

Comments

یہ بھی پڑھیں