امریکی صدر ڈونلڈٹرمپ نے کہا ہے کہ مودی نے روسی تیل کی خریداری روکنے پر آمادگی ظاہر کی ہے۔
بین الاقوامی میڈیا رپورٹس کے مطابق امریکی صدر ٹرمپ اور بھارتی وزیراعظم نریندر مودی کا ٹیلیفونک رابطہ ہوا جس کے بعد صدر ٹرمپ نے دعویٰ کیا کہ نریندر مودی نے روسی تیل نہ خریدنے پر اتفاق کیا ہے۔
ٹرمپ نے کہا کہ بھارت امریکا اور ممکنہ طور پر وینزویلا سے زیادہ تیل خریدے گا یہ قدم روس یوکرین جنگ ختم کرانے میں مددگار ہو گا۔
ان کا کہنا تھا کہ امریکا اور بھارت کے درمیان رعایتی تجارتی معاہدہ طے پا گیا ہے امریکا نے بھارت پر ٹیرف 25 فیصد سےکم کر کے 18فیصد کر دیا ہے، بھارت امریکی مصنوعات پر ٹیرف اورغیرٹیرف رکاوٹیں صفر تک لائے گا، بھارت 500 ارب ڈالر سے زائد امریکی توانائی، ٹیکنالوجی، زرعی مصنوعات خریدے گا۔
دو روز قبل ٹرمپ نے کہا تھا کہ بھارت ’ایران کے مقابلے‘ وینزویلا سے تیل خریدنا شروع کرے گا۔
امریکی صدر ڈونالڈ ٹرمپ نے دعویٰ کیا تھا کہ جنوبی ایشیائی ملک کی روسی خام تیل کی اہم درآمدات پر گزشتہ سال تنازعات کے بعد بھارت اب وینزویلا کا تیل خریدے گا۔
ایئر فورس ون کے بورڈ میں صحافیوں کو ٹرمپ نے بتایا کہ بھارت آ رہا ہے اور وہ ایران سے خریدنے کے برخلاف وینزویلا کا تیل خرید رہا ہے لہذا، ہم نے پہلے ہی یہ معاہدہ کر لیا ہے۔
امریکی صدر، جنہوں نے کہا ہے کہ ان کا ملک وینزویلا کے تیل کی فروخت اور محصولات کو غیر معینہ مدت تک کنٹرول کرنے کا ارادہ رکھتا ہے، سابق رہنما نکولس مادورو کو گزشتہ ماہ اغوا کرنے کے بعد، بھارت پر دباؤ ڈالا تھا کہ وہ روسی تیل کی خریداری بند کرے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں