The news is by your side.

Advertisement

بھارت : نریندر مودی کا دفتر ویب سائٹ پر فروخت کیلئے پیش

نئی دہلی : بھارتی وزیر اعظم نریندر مودی کے دفتر کو بیچنے کیلئے اس کا اشتہار او ایل ایکس پر ڈال دیا گیا، اطلاع ملتے ہی انتظامیہ نے اشتہار ہٹوایا، پولیس نے چار ملزمان کو گرفتار کرلیا۔

بھارتی میڈیا کے مطابق وزیراعظم مودی کا دفتر او ایل ایکس پر7.5 کروڑ روپے میں فروخت کے لیے ڈالا گیا تھا، ہنگامی طور پر کارروائی کے بعد 4 افراد حراست میں لے لیا گیا۔

بھارتی میڈیا ذرائع سے موصول ہونے والی اطلاعات کے مطابق نریندر مودی کے پارلیمانی حلقہ وارانسی میں واقع عوامی رابطہ دفتر کو کسی نے او ایل ایکس پر فروخت کے لیے ڈال دیا اور اس کی قیمت ساڑھے سات کروڑ روپے رکھی گئی۔

اس خبر کی اطلاع جب پولیس کو ہوئی تو فوری کارروائی کرتے ہوئے اشتہار کو او ایل ایکس سے ہٹوایا گیا اور چار افراد کو شک کی بنا پر حراست میں لینے کے ساتھ ساتھ ایک ملزم کو باقاعدہ گرفتار بھی کیا گیا ہے۔

ذرائع کے مطابق وارانسی میں واقع مودی کے دفتر کی تصویر ڈال کر جب اسے برائے فروخت بتایا گیا تو ساتھ میں اس کی تفصیل بھی دی گئی تھی۔

تفصیلات میں بتایا گیا کہ یہاں چار بیڈ روم باتھ روم کے ساتھ، فل فرنشڈ ریڈی ٹو موو، لسٹیڈ بائی ڈیلر، بلڈ اَپ ایریا 6500 اسکوائر فٹ، دو منزل، دو کار پارکنگ کے ساتھ ہی نارتھ ایسٹ فیسنگ کی معلومات بھی دی گئی۔ پروجیکٹ نیم، میں پی ایم او دفتر وارانسی لکھا گیا۔

اس حوالے سے پولیس کا کہنا ہے کہ جس شخص نے تصویر لے کر او ایل ایکس پر ڈالی تھی وہ گرفتار کیا جاچکا ہے اور اس سے تفتیش کی جا رہی ہے۔

میڈیا ذرائع کے مطابق پولیس نے چار افراد کو حراست میں لے لیا ہے اور اس میں اس شخص کی گرفتاری بھی شامل ہے جس کی پروفائل سے یہ اشتہار ڈالا گیا تھا جس کا نام لکشمی کانت اوجھا ہے۔

 

Comments

یہ بھی پڑھیں