The news is by your side.

Advertisement

افغانستان پر طالبان کا قبضہ ، ‘بھارت کو سانپ سونگھ گیا ، دہلی میں مکمل سناٹا ‘

اسلام آباد : مشیر قومی سلامتی معید یوسف کا کہنا ہے کہ کابل پر توقع سے بہت پہلے قبضہ ہوگیا، جس کے بعد بھارت کو سانپ سونگھ گیا ہے اور دہلی میں مکمل سناٹا ہے۔

تفصیلات کے مطابق مشیر قومی سلامتی معید یوسف کی جانب سے بیان میں کہا گیا ہے کہ افغانستان کی صورتحال پر نظر رکھے ہوئے ہیں، کابل میں پھنسے تمام ممالک کے شہریوں کو ویزہ سہولت دے رہے ہیں ، کابل پر توقع سے بہت پہلے قبضہ ہوگیا۔

معید یوسف کا کہنا تھا کہ طالبان کے قبضے کے بعد بھارت کو سانپ سونگھ گیا ہے اور دہلی میں مکمل سناٹا ہے، پاکستان کیخلاف کسی ملک نے کوئی بیان نہیں دیا جوہماری کامیابی ہے ، آئی ایم ایف ورلڈبینک حکام پاکستان سےافغانستان کومانیٹرکرناچاہتاہے۔

یاد رہے افغانستان کے موجودہ حالات کے تناظر میں شاہ محمود قریشی کا کہنا تھا کہ بھارت کو موجودہ حالات میں ذمےداری کا ثبوت دينا چاہيے، عالمی برادری افغانستان میں امن و استحکام کی خواہاں ہے اور توقع کرتی ہے کہ بھارت بھی مثبت کردار ادا کرے، خطے کي بہتری کيلئے بھارت کو ذمےداری دکھانی ہوگی۔

خیال رہے افغان طالبان افغان دارالحکومت کابل اور بعد ازاں صدارتی محل کا کنٹرول حاصل کرچکے ہیں، افغانستان میں عبوری حکومت کے قیام کا اعلان ہوچکا ہے، طالبان کا کہنا تھا کہ کابل میں کوئی عبوری حکومت قائم نہیں ہوگی بلکہ فوری اورمکمل طور پر ‏انتقال اقتدارچاہتےہیں۔

Comments

یہ بھی پڑھیں