The news is by your side.

Advertisement

معین علی دورہ پاکستان سے ٹیسٹ میں واپسی کو تیار

معین علی نے کہا ہے کہ اگر انگلینڈ اس سال کے آخر میں پاکستان کا دورہ کرنے کو کہے تو وہ ٹیسٹ کرکٹ سے ریٹائرمنٹ ختم کرنے کے لیے تیار ہوں گے۔

بی بی سی کے ٹیسٹ میچ اسپیشل میں کمنٹری کے دوران معین نے تصدیق کی کہ وہ اس موسم سرما میں پاکستان کا دورہ کرنے کے لیے تیار ہوں گے۔

انہوں نے کہا کہ جب بھی (انگلینڈ کے ہیڈ کوچ) میک کولم چاہیں گے میں ضرور پاکستان میں کھیلوں گا میں نے کچھ سال پہلے وہاں پاکستان سپر لیگ کھیلی ہے یہ ایک تاریخی واقعہ ہوگا کیونکہ انگلینڈ نے اتنے سالوں سے وہاں کا دورہ نہیں کیا۔

معین علی کا بڑا فیصلہ

34 سالہ کھلاڑی نے گزشتہ سال 64 ٹیسٹ میں 2,914 رنز اور 195 وکٹوں کے ساتھ طویل فارمیٹ چھوڑ دیا تھا تاہم وہ انگلینڈ کے لیے محدود اوورز کے فارمیٹس میں اہم کردار ادا کرتے رہے ہیں۔

معین علی کا کہنا ہے کہ برینڈن میک کولم نے انہیں پیغام بھیجا کہ وہ ‘ان’ ہوں، میں نے ان کے ساتھ بھارتی لیگ کھیلی ہے اور ان کے کام کرنے کے طریقے سے واقعی لطف اٹھایا ہے۔

انگلینڈ نے میک کولم اور نئے ٹیسٹ کپتان بین اسٹوکس کی قیادت میں ایک نئے دور کا آغاز کیا جب نیوزی لینڈ کے خلاف ان کی تین ٹیسٹ میچوں کی سیریز لارڈز میں شروع ہو رہی ہے۔

معین علی کا کہنا ہے کہ ہم نے بات کی اور میک کولم نے کہا کہ مستقبل میں اگر کوئی ٹور ہو یا ضرورت پڑے تو کیا آپ دستیاب ہوں گے؟ جس میں نے کہا کہ مجھے آپ کال کر سکتے ہیں۔

Comments

یہ بھی پڑھیں