دبئی: متحدہ عرب امارات کی ریاست ابوظبی کے ولی عہد شیخ محمد بن زاید النہیان نے آسٹریلیا کے جنگلات میں لگنے والی آگ اور نقصانات پر افسوس کا اظہار کرتے ہوئے امداد دینے کا وعدہ کرلیا۔
ابوظبی کے ولی عہد اور مسلح افواج کے سپریم کمانڈر شیخ زید بن النہیان نے سماجی رابطے کی ویب سائٹ ٹویٹر پر آسٹریلیا کے جنگلات میں لگنے والی آگ اور اس کے نتیجے میں انسانی و جانوروں کی جانیں ضائع ہونے پر افسوس کا اظہار کیا۔
انہوں نے لکھا کہ ’متحدہ عرب امارات ریسکیو اور متاثرین کی بحالی کے لیے ہر ممکن اقدامات فراہم کرے گا‘۔ شیخ زاید کا کہنا تھا کہ ’میری آسٹریلوی وزیر اعظم سے ٹیلی فون پر گفتگو ہوئی جس میں انہوں نے تمام معاملے حوالے سے آگاہ کیا‘۔
ابو ظبی کے ولی عہد نے وزیر اعظم کو یقین دہانی کرائی کہ متحدہ عرب امارات کی ریاست اور شہری امدادی سرگرمیوں میں بڑھ چڑھ کر حصہ لیں گے۔
اطلعت من رئيس وزراء أستراليا – خلال اتصال هاتفي – على جهود مكافحة الحرائق التي تجتاح أراض واسعة من أستراليا.. وأكدت له استعداد دولة الإمارات دعم هذه الجهود وتقديم مختلف أشكال المساعدة
— محمد بن زايد (@MohamedBinZayed) January 7, 2020
یاد رہے کہ 30 دسمبر سے آسٹریلیا میں واقع جنگلات میں ہزاروں ایکڑ رقبے پر آگ لگی ہوئی ہے جس پر تاحال قابو نہ پایا جاسکا، آتشزدگی کے نتیجے میں 25 افراد اور کروڑوں جانوں ہلاک جبکہ سیکڑوں کی تعداد میں مکان جل کر خاکستر ہوگئے۔
مزید پڑھیں: جنگلات میں لگی قیامت خیز آگ سے کروڑوں جانور ہلاک
جنگلات میں پھیلنے والی آگ کی شدت اس قدر شدید ہے کہ شعلے آسمان سے باتیں کررہے ہیں، دو روز قبل مقامی مسلمانوں نے بارش کے لیے نمازِ استسقاء کا اہتمام بھی کیا تھا جس کے بعد جنگلات والے علاقوں میں بارش کا سلسلہ شروع ہوا۔