یقین تھا اللہ ایک دن کامیابی سے نوازے گا‘ محمد عباس -
The news is by your side.

Advertisement

یقین تھا اللہ ایک دن کامیابی سے نوازے گا‘ محمد عباس

سیالکوٹ: پاکستانی فاسٹ باؤلر محمد عباس کا کہنا ہے کہ یہ بتانے میں شرم نہیں میں نے ویلڈنگ اور چمڑے کا کام کیا۔

تفصیلات کے مطابق آسٹریلیا کے خلاف تباہ کن باؤلنگ کرنے والے محمد عباس وطن واپس پہنچے تو سیالکوٹ ایئرپورٹ ان کا شاندار استقبال کیا گیا، محمدعباس کے اہل خانہ اورشہریوں کی بڑی تعداد ایئرپورٹ پرموجود تھی۔

اس موقع پرمیڈیا سے گفتگو کرتے ہوئے فاسٹ باؤلر نے کہا کہ یقین تھا اللہ ایک دن کامیابی سے نوازے گا، بہترین کارکردگی کے بعد ذمےداری مزید بڑھ گئی ہے۔

محمد عباس نے کہا کہ تحصیل سمبڑیال سے پہلا ٹیسٹ پلیئرہوں، اپنےعلاقے میں کرکٹ کے فروغ کے لیے کام کروں گا۔

فاسٹ باؤلر کا کہنا تھا کہ ہرمیچ میں شدید محنت کی ضرورت ہوتی ہے، بیٹی کی سالگرہ ہے، سیریزکی کامیابی اس کے نام کی ہے۔

ابو ظہبی ٹیسٹ: پاکستان نے آسٹریلیا کو 373 رنز سے شکست دے دی

واضح رہے کہ محمد عباس نے آسٹریلیا کے خلاف دو میچوں کی ٹیسٹ سیریز میں 17 وکٹیں حاصل کی تھیں۔ وہ متحدہ عرب امارات میں ٹیسٹ میچ میں دس وکٹیں لینے والے پہلے فاسٹ باؤلر بن گئے۔

Comments

comments

یہ بھی پڑھیں