محمد عباس کی کاؤنٹی کرکٹ میں طوفانی بولنگ، 10 وکٹیں اڑا دیں -
The news is by your side.

Advertisement

محمد عباس کی کاؤنٹی کرکٹ میں طوفانی بولنگ، 10 وکٹیں اڑا دیں

انگلینڈ: پاکستانی فاسٹ بولر محمد عباس نے کاؤنٹی کرکٹ میں اپنی طوفانی بولنگ سے مخالف ٹیم کی بیٹنگ لائن کی دھجیاں اڑاتے ہوئے 10 وکٹیں اپنے نام کر لیں۔

تفصیلات کے مطابق قومی ٹیسٹ ٹیم کے تیز رفتار بولر محمد عباس نے کاؤنٹی کرکٹ میں شان دار کارکردگی کا مظاہرہ کیا، ایک ٹیسٹ میچ کی دو اننگز میں دس وکٹیں اڑا دیں۔

محمد عباس نے لیسٹر شائر کی طرف سے کھیلتے ہوئے ڈرہم کے خلاف دونوں اننگز میں پانچ پانچ وکٹیں حاصل کیں، ان کی تباہ کن بولنگ کی وجہ سے ڈرہم کی ٹیم دن میں دو بار آؤٹ ہوگئی۔

قبل ازیں لیسٹر شائر نے پہلی اننگز کا آغاز کرتے ہوئے 321 رنز بنائے جس کے جواب میں ڈرہم کی ٹیم دو مرتبہ آؤٹ ہوئی لیکن ہدف تک نہیں پہنچ پائی۔

ڈرہم نے اپنی پہلی اننگز میں 61 رنز بنائے اور پوری ٹیم پویلین لوٹ گئی، دوسری اننگز شروع کی تو ایک بار پھر وکٹیں خزاں رسیدہ پتوں کی طرح گرتی چلی گئیں اور پوری ٹیم 66 رنز بناکر آؤٹ ہو گئی۔

سیالکوٹ سے تعلق رکھنے والے فاسٹ بولر محمد عباس کی تباہ بولنگ کی وجہ سے لیسٹر شائر یہ میچ 194 رنز سے جیت گئی۔


ریڈ کارڈ دکھانے پر ’رونالڈو ‘ رو پڑے


ڈرہم کے خلاف پاکستانی فاسٹ بولر نے پہلی اننگز میں 23 رنز دے کر 5 وکٹیں حاصل کیں جب کہ دوسری اننگز میں 29 رنز کے عوض 5 وکٹیں حاصل کیں، مجموعی طور پر انھوں نے 52 رنز دے کر 10 وکٹیں حاصل کیں۔

اپنی شان دار کارکردگی کے حوالے سے محمد عباس نے کہا کہ ہوا اتنی شان دار تھی کہ مجھے اس ماحول میں بولنگ بہت مختلف لگی، میں نے اپنے کوچ سے کہا تھا کہ مجھے قومی ٹیم میں کھیلنے کے لیے اپنے گھر واپس جانا ہے اور میں آخری میچ میں مین آف دی میچ بننے کی کوشش کروں گا۔

Comments

comments

یہ بھی پڑھیں