کراچی: قومی کرکٹ ٹیم کے فاسٹ بولر محمد عامر کے گھر ننھی پری کی آمد ہوئی ہے۔
تفصیلات کے مطابق قومی کرکٹ ٹیم کے فاسٹ بولر محمد عامر کے گھر دوسری بیٹی کی پیدائش ہوئی ہے جس کی اطلاع انہوں نے سماجی رابطے کی ویب سائٹ ٹویٹر پر دی۔
محمد عامر نے بیٹی کی پیدائش پر رب کا شکر ادا کیا اور ننھی پری کی خوبصورت تصویر بھی شیئر کی۔
محمد عامر نے بتایا کہ انہوں نے بیٹی کا نام ’’زویا عامر‘‘ رکھا ہے۔
Alhumdulillah finally ALLAH ki rehmat zoya amir 🥰🥰🥰🥰🥰🥰 pic.twitter.com/jsqT3xt2qn
— Mohammad Amir (@iamamirofficial) July 16, 2020
فاسٹ بولر کو بیٹی کی ولادت پر ساتھی کھلاڑیوں اور مداحوں کی جانب سے مبارکباد دینے کا سلسلہ جاری ہے۔
قومی ٹیم کے آل راؤنڈر شاداب خان نے لکھا کہ ’بہت بہت مبارک ہو بھائی، اللہ تعالیٰ زویا عامر کو صحت اور خوشیاں دے۔‘
Buht buht Mubarik ho @iamamirofficial bhai. Allah Zoya Amir ko sehat aur khusyaan de. https://t.co/HRjKUHSfV8
— Shadab Khan (@76Shadabkhan) July 16, 2020
یاد رہے کہ قومی ٹیم کے فاسٹ بولر محمد عامر نرجس کے ساتھ ستمبر 2016 میں رشتہ ازدواج میں منسلک ہوئے تھے۔ اُن کے ہاں 2017 میں بیٹی کی پیدائش ہوئی تھی جس کا نام انہوں نے منشا رکھا تھا۔
