The news is by your side.

Advertisement

مایہ ناز بلے باز نے آصف کو جادوگر قرار دیدیا

بہترین بولنگ ایکشن اور ہوا میں گیند کو سوئنگ کرنے کے ماہر محمد آصف کو ہاشم آملہ نے جادوگر قرار دے ‏دیا۔

جنوبی افریقا اور بھارت کے مابین ٹیسٹ میچ کے حوالے سے گفتگو میں ہاشم آملہ نے اپنے کیریئر کے مشکل ‏ترین بولر کا نام بتاتے ہوئے کہا کہ محمد آصف جیسا خطرناک گیندباز کے سامنے سب سے زیادہ مشکلات پیش ‏آئیں۔

ہاشم آملہ نے کہا کہ ایک تو محمد آصف کا ایکشن بہت زبردست تھا جسے دیکھنا اچھا لگتا تھا اور دوسرا وہ گیند ‏کے ساتھ جادوگری کرتے تھے۔ ‏

Hashim Amla names Mohammad Asif as most 'technical' bowler he ever faced

ان کا کہنا تھا کہ میں نے اپنے کیریئر میں محمد آصف جیسا مشکل ترین بولر نہیں دیکھا جو مجھے ہر طرح سے ‏ناکامی سے دوچار کرتا تھا میں ان کی گیند سمجھ نہیں سکتا تھا جو میں اندازے لگاتا تھا تو وہ اس کے برعکس ‏کر کے مشکل میں ڈال دیتا تھا۔

مایہ ناز بلے باز کا یہ بھی کہنا تھا کہ جب میں پوری طرح آؤٹ سوئنگ کے لیے تیار ہوتا تو آصف اِن سوئنگ کر ‏کے مجھے بولڈ کرتا۔

واضح رہے کہ 2010 میں بدنام زمانہ اسپاٹ فکسنگ اسکینڈل میں ان کے کردار پر بین الاقوامی کرکٹ کی پابندی ‏عائد ہونے سے قبل آصف نے 23 ٹیسٹ، 38 ون ڈے اور 11 ٹی ٹوئنٹی میں پاکستان کی نمائندگی کی۔

Comments

یہ بھی پڑھیں