لندن : سعودی ولی عہد محمد بن سلمان سے متعلق ٹویٹر پر خبریں گردش کررہی ہے ’مانچسٹر یونائیٹڈ فٹبال کلب خریدنے کے خواہش مند ہیں‘۔
تفصیلات کے مطابق برطانیہ کا معروف مانچسٹر یونائیٹڈ فٹبال کلب اب تک 20 مرتبہ انگلش پریمئیر لیگ جیت کر اپنے نام کرچکا ہے جس کے مالک امریکا کا گلیزر خاندان ہے، جس نے سنہ 2005 میں مذکورہ کلب کو 79 کروڑ پاؤنڈز میں خریدا تھا۔
برطانوی خبر رساں ادارے کا کہنا ہے کہ سعودی ولی عہد محمد بن سلمان ان دنوں سماجی رابطے کی ویب سائٹس پر ٹاپ ٹرینڈ بنے ہوئے ہیں جس کی وجہ ان کے نام سے منسوب فٹبال کلب خریدنے کی خبریں ہیں۔
غیر ملکی میڈیا کا کہنا ہے کہ محمد بن سلمان نے مانچسٹر یونائیٹڈ کو 3.8 ارب پاؤنڈز کے عوض خریدنے کا فیصلہ کیا ہے تاہم مانچسٹر یونائیٹڈ کے ترجمان نے مذکور خبروں کو مسترد کیا ہے لیکن ذرائع کا کہنا ہے کہ شاید وہ 3 ارب پاؤنڈز سے زائد کی رقم کے عوض کلب فروخت کردیں۔
برطانوی اخبار کا کہنا تھا کہ محمد بن سلمان کو اس لیے بھی مانچسٹر یونائیٹڈ فٹبال کلب میں دلچسپی ہے کیونکہ مانچسٹر سٹی کے مالک ابوظہبی کے منصور بن زائد ال نہيان کی ملکیت ہے اور وہ ان کا مقابلہ کر سکیں۔
مانچسٹر یونائیٹڈ کے ایک مداح نے کہا کہ کلب کے کھلاڑیوں سے درخواست کرتے ہوئے کہا کہ وہ ایسی ٹیم میں نہ آئیں اگر آگئے تو وہ ایسی حکومت کی حمایت کریں گے جو جب چاہے بے گناہ لوگوں کو قتل کردیتا ہے۔
